اقتاۋ ماڭىنداعى ۇشاق اپاتىن تەرگەۋدىڭ الدىن الا قورىتىندىسى كەلەسى اپتادا جاريالانادى. بۇل تۋرالى ازاتتىق راديوسى جازدى.

پرەمەر-ءمينيستردىڭ ورىنباسارى قانات بوزىمباەۆ 24 قاڭتارداعى ءباسپاسوز كونفەرەنتسياسىندا وسىلاي دەپ مالىمدەدى. ۆيتسە-پرەمەردىڭ سوزىنشە، 17-18 ادامنان تۇراتىن كوميسسيا تەرگەۋ جۇرگىزىپ جاتىر، ونىڭ ىشىندە رەسەي، ازەربايجان، برازيليا جانە يكاو (حالىقارالىق ازاماتتىق اۆياتسيا ۇيىمى) ساراپشىلارى بار.

"ماتەريالدار كوشىرمەسى ازەربايجان مەن رەسەي تاراپىندا دا بار، قازاقستاننىڭ جاسىراتىن ەشتەڭەسى جوق", - دەدى بوزىمباەۆ.

ازەربايجاننىڭ Azerbaijan Airlines (AZAL) كومپانياسىنا تيەسىلى Embraer جولاۋشى ۇشاعى 2024 جىلعى 25 جەلتوقساندا قازاقستاننىڭ باتىسىنداعى اقتاۋ قالاسىنان 30 شاقىرىم جەرگە قۇلادى. اپات سالدارىنان 38 ادام قازا تاۋىپ، 29-ى ءتىرى قالدى.

ازەربايجان پرەزيدەنتى يلحام اليەۆ اپاتقا: "رەسەي فەدەراتسياسىنىڭ وكىلدەرى جاۋاپتى", - دەپ مالىمدەدى. اليەۆ رەسەيدەن كىناسىن مويىنداپ، كىنالىلەردى جازالاۋدى تالاپ ەتتى. رەسەي پرەزيدەنتى ۆلاديمير پۋتين ازەربايجان ۇشاعىنىڭ اپاتقا ۇشىراۋىنا وراي كەشىرىم سۇراعانىمەن، جاۋاپكەرشىلىكتى موينىنا العان جوق.

Abai.kz