اق ءۇي باسشىسى ترامپ قاڭتار ايىندا وتكەن «دۇنيەجۇزىلىك داۆوس ەكونوميكالىق فورۋمىندا ءسوز سويلەپ: «امەريكانىڭ تۇرعىسىنان الىپ ايتساق، ەۋروپالىق وداق بىزگە وتە، وتە ادىلەتسىز مامىلەدە، ابدەن بىلىققان» دەگەن ەدى. كەشە اقش-قا يمپورتتالاتىن بارلىق بولات پەن اليۋميني ونىمدەرىنە 25% باج سالىعى سالىناتىنىن جاريالادى. ول سونداي-اق ساۋدا سەرىكتەستەرىنە «ءوزارا تەپە-تەڭدىك تاريفىن دە» ەنگىزبەك.

اقش ۇكىمەتىنىڭ دەرەكتەرىنە سايكەس، اقش-تىڭ ەۋروپالىق وداقپەن ساۋدا دەفيتسيتى 26,9 ميلليارد دوللارعا ارتىپ، 2024-جىلى 235,6 ميلليارد دوللارعا جەتكەن. ترامپ وسى مالىمەتتەردى جەلەۋ ەتىپ، ەۋرووداق ەلدەرىنە دە كەدەندىك سالىق ەنگىزۋدى جوسپارلاپ وتىر. ال فرانتسيا باسشىسى ماكرون امەريكا تاراپتىڭ ستاتيسكا قوردىندىسىنىڭ شىنايىلىعىنا كۇمانمەن قارايدى. ونىڭ ۋاجىنشە ەكى جاقتىڭ ساۋدا دەفيتسيتىن ەسەپتەۋدە جاڭساقتىق بار. اتاپ ايتقاندا ەۋروپانىڭ ساندىق قىزمەتتى پايدالانۋ قاتارلى جاقتارداعى وراسان زور شىعىندارى ونىڭ ىشىنە ەنبەي قالعان. ەۋرووداق امەريكانىڭ ساندىق قىزمەتتەرىنىڭ باستى تۇتىنۋشىسى بولىپ تابىلادى.

قارجى اينالىمى تۇرعىسىنان قاراعاندا، ەۋروپانىڭ جيناقتارىنىڭ كوپ بولىگى اقش ەكونوميكاسىن قارجىلاندىرۋعا جۇمسالادى. ەگەر  بارلىق جەردە باج سالىعىن ەنگىزە بەرسە، بۇل اقش ەكونوميكاسىنا كەرى اسەر ەتپەي قويمايدى.

ەۋروپا مەن امەريكا قۇراما شتاتتارى اراسىنداعى ىقتيمال ساۋدا سوعىسىنا قاتىستى ماكرون وتكەن بەيسەنبىدە CNN ارناسىنا سۇحبات بەرگەن. ونىڭ ويىنشا قازىرگى جاعدايداعى شەشىمىن تاۋى ءتيىس ماسەلە، ەكى تاراپتىڭ ەكونوميكالىق تەكە-تىرەسى ەمەس، ۋكراينانىڭ جاعدايى، تاياۋ شىعىستاعى شيەلەنىس، اقش-قىتاي اراسىنداعى جاساندى ينتەلەكىتتەن باستاپ تازا تەحنولوگياعا دەيىنگى ءوزارا باسەكەلەستىك.

«ترامپتىڭ ساۋدا سوعىسى ەۋرووداقتىڭ ەكونوميكاسىنا زيانىن تيگىزگەننەن باسقا پايداسى جوق. اقش مۇدەسىنە دە قايشى. سوندىقتان دوس پەن قاستى ايىرۋ كەرەك. امەريكانىڭ قازىرگى باستى ماسەلەسى ەۋرووداق پا، جوق ولاي ەمەس،  قىتاي» - دەدى فرانتسيا باسشىسى.

Abai.kz