2024-جىلى سۋ رەسۋرستارى جانە يرريگاتسيا مينيسترلىگىنىڭ ىشكى اۋديت دەپارتامەنتى 18 كاسىپورىندا تەكسەرىس جۇرگىزگەن.

تەكسەرىس قورىتىندىسى بويىنشا 30 دان استام جەكە جانە زاڭدى تۇلعا اكىمشىلىك جاۋاپكەرشىلىككە، بىرنەشە لاۋازىمدى تۇلعا تارتىپتىك جاۋاپكەرشىلىككە تارتىلدى.

ماسەلەن، جامبىل وبلىسى بويىنشا "قازسۋشار" فيليالىنا جۇرگىزىلگەن تەكسەرىس بارىسىندا سۋ رەسۋرستارىن زاڭسىز پايدالانۋدىڭ 10-عا جۋىق فاكتىسى مەن شارۋالارمەن سۋارمالى سۋ بەرۋ كەلىسىمشارتتارىن جاساۋ بارىسىندا زاڭ بۇزۋشىلىقتارعا جول بەرىلگەنى انىقتاعان بولاتىن. اۋديت قورىتىندىسى بويىنشا مەكەمە باسشىسى مەن اسا وندىرىستىك ايماعىنىڭ باسشىسى قىزمەتىنەن بوساتىلدى. بۇدان بولەك، فيليال ديرەكتورىنىڭ ورىنباسارى مەن قورداي، بايزاق، مەركى وندىرىستىك ايماقتارىنىڭ باسشىلارى قاتاڭ سوگىس تۇرىندە تارتىپتىك جاۋاپكەرشىلىككە تارتىلدى.

- اۋديت بارىسىندا ازاماتتاردى اۋىز سۋمەن جانە سۋارمالى سۋمەن قامتاماسىز ەتۋ ساپاسىن جاقسارتۋ ءۇشىن قولدانىستاعى زاڭنامانى ودان ءارى جەتىلدىرۋ قاجەتتىگى انىقتالدى. بارلىق زاڭ بۇزۋشىلىقتار بويىنشا ماتەريالدار قۇقىق قورعاۋ ورگاندارىنا جىبەرىلدى. سونداي-اق مينيسترلىكتىڭ قۇزىرەتتى قۇرىلىمدارى مەن ۆەدومستۆولارىنا ۇسىنىستار مەن تاپسىرمالار بەرىلدى، - دەدى ىشكى اۋديت دەپارتامەنتىنىڭ ديرەكتورى عالىمجان مولداش.

بۇدان بولەك، "قازسۋشار" مەكەمەسىنىڭ الاتاۋ فيليالىندا بۇرىن جۇمىستان بوساتىلعان قىزمەتكەرلەردىڭ الاياقتىق فاكتىلەرمەن اينالىسقانى انىقتالدى.

Abai.kz