«AMANAT» پارتياسىنىڭ باستى مىندەتى – ازاماتتاردىڭ وزەكتى ماسەلەلەرىن شەشۋ جانە ولاردىڭ تۇرمىسىن جاقسارتۋ بويىنشا تۇراقتى جۇمىس جۇرگىزۋ. ادامداردىڭ پارتياعا دەگەن سەنىمىنىڭ كەپىلى – وسى. بۇل تۋرالى ءماجىلىس سپيكەرى، «AMANAT» توراعاسى ەرلان قوشانوۆ ۇيىمداستىرۋشىلىق جيىن بارىسىندا ايتتى. پارتيالىقتار بىلتىر اتقارىلعان جۇمىستى قورىتىندىلاپ، بىرقاتار باسىم مىندەتتەردى ايقىندادى. كەڭەسكە پارتيانىڭ وڭىرلىك فيليالدارى قوسىلىپ، باسقوسۋ بەينەكونفەرەنتسبايلانىس رەجيمىندە ءوتتى.

جيىن بارىسىندا «AMANAT» پارتياسىنىڭ توراعاسى مەملەكەت باسشىسى قاسىم-جومارت توقاەۆ پارتيالىق جوبالارعا بىرنەشە رەت جوعارى باعا بەرگەنىنە جانە جۋىردا وتكەن ۇكىمەتتىڭ كەڭەيتىلگەن وتىرىسىندا «اكىمدەر مەكتەبى» جوباسىن ۇيىمداستىرۋدا پارتيانىڭ وڭ تاجىريبەسىن تاعى ءبىر رەت ايرىقشا اتاپ وتكەنىنە نازار اۋداردى. بۇل «AMANAT» پارتياسى اتقارىپ جاتقان جۇمىستىڭ جوعارى تيىمدىلىگىنىڭ كورسەتكىشى جانە ءاربىر پارتيالىققا ەرەكشە جاۋاپكەرشىلىك جۇكتەيدى، دەپ اتاپ ءوتتى ەرلان قوشانوۆ.

سۋرەتتى تۇسىرگەن: ءالي عالىم.

«مەملەكەت باسشىسىنىڭ اۋقىمدى رەفورمالارى تابىستى جالعاسۋدا. ەكونوميكاداعى، تكش-داعى جانە وزگە دە سالالارداعى بۇرىننان كەلە جاتقان ماسەلەلەر شەشىلۋدە. ازاماتتاردى تولعاندىراتىن كوپتەگەن وتكىر ماسەلەلەردىڭ بەتى اشىلۋدا. ول – تاريفتەردىڭ ءوسۋى، ازىق-تۇلىكتىڭ قىمباتتاۋى، جانار-جاعار ماي باعاسىنىڭ ءوسۋى، ققس. جۇيە قۇراۋشى ساياسي كۇش رەتىندە پارتيا ءوز جوبالارىمەن، قابىلدانىپ جاتقان زاڭدارىمەن ازاماتتار كوتەرگەن ماسەلەلەردى شەشۋگە ءوز ۇلەسىن قوسۋى كەرەك. پارتيا اركىمنىڭ جان دۇنيەسىمەن ۇندەسەتىن قادامدار جاساي بىلۋگە ءتيىس. بۇل – حالىقتىڭ پارتياعا بارىنشا كوپ قولداۋ كورسەتۋىنىڭ كەپىلى»، – دەدى ول.

ەرلان قوشانوۆ «AMANAT»-تىڭ الدىندا تۇرعان بيىلعى باسىم باعىتتارعا توقتالدى. ولاردىڭ قاتارىندا «اۋىل اماناتى»، «اكىمدەر مەكتەبى» جانە ت. ب. پارتيالىق جوبالاردى جۇزەگە اسىرۋدى جالعاستىرۋ، جاستارمەن، اسىرەسە اۋىلداعى جانە جۇمىسسىز جاستارمەن جۇرگىزىلەتىن جۇمىستى كۇشەيتۋ، ازاماتتارعا اتاۋلى كومەك ۇسىنۋ، زاڭگەرلىك قولداۋ كورسەتۋ جانە ت. ب. بۇل شارالار قوعامنىڭ ناقتى سۇرانىسىنا جاۋاپ بەرەدى جانە پارتيا تاراپىنان ۇنەمى نازار اۋدارۋدى تالاپ ەتەدى، دەپ اتاپ ءوتتى «AMANAT» توراعاسى.

سۋرەتتى تۇسىرگەن: ءالي عالىم.

اتاپ ايتقاندا، 2,5 جىل بويى پارتيالىقتار «جەر اماناتى» كوميسسياسى ارقىلى جەرگە قاتىستى ادىلدىكتى قالپىنا كەلتىرۋ ماسەلەسىمەن اينالىسۋدا. وسى ماسەلە ۇزاق ۋاقىت بويى قوعامدى دۇرلىكتىرىپ كەلدى. پارتيا وسى جۇمىسقا ارالاسقاننان كەيىن عانا بۇل سالاداعى پىكىرتالاستار سىندارلى باعىتقا بەت بۇردى. وسىلايشا، 12 ملن گەكتار جەر مەملەكەت مەنشىگىنە قايتارىلىپ، ونىڭ 5 ملن-ى ازاماتتار اراسىندا ءبولىندى. پارتيانىڭ باستاماسى بويىنشا «جايىلىمدار تۋرالى» جاڭا زاڭ جوباسى قابىلداندى. سول ارقىلى كوپتەگەن ماسەلەلەر جۇيەلى تۇردە شەشىلۋدە. اتاپ ايتقاندا، قوعامدىق جايىلىمدار ۇعىمى ەنگىزىلدى. وندا جەردى قۇنارلاندىرۋ، كونكۋرستىق نەگىزدە ءادىل ءبولۋ، مەملەكەت تاراپىنان قارجىلاندىرۋ قادامدارى جانە وزگە دە نورمالار مەن جۇمىستار رەگلامەنتتەلدى.

قارجىلىق ساۋاتتىلىقتى ارتتىرۋعا باعىتتالعان «قارىزسىز قوعام» جوباسى اياسىندا ەكى جىلدا ەل اۋماعىندا 850 مىڭ ادام وقۋدان ءوتتى. حالىقتىڭ شامادان تىس نەسيە الۋىن ازايتۋ بويىنشا پارلامەنتتىك تىڭداۋلار وتكىزىلدى. ال ماجىلىستەگى پارتيا فراكتسياسىنىڭ مۇشەلەرى وسى ماسەلەگە قاتىستى بانكتەردىڭ ەمەس، قاراپايىم ادامداردىڭ مۇددەسىن قورعايتىن تۇزەتۋلەر ەنگىزدى. جالپى، «قارىزسىز قوعام» جوباسى ارقىلى پروبلەمالىق نەسيەلەر دەڭگەيى 2020 جىلعى 18%-دان 2024 جىلى 7%-عا دەيىن تومەندەدى.

ءوز كەزەگىندە، «AMANAT» پارتياسى باتىس قازاقستان وبلىستىق فيليالىنىڭ توراعاسى مۇرات مۇقاەۆ «اۋىل اماناتى» جوباسى اياسىندا 1200-دەن استام ادام جەڭىلدەتىلگەن نەسيە العانىن جانە بۇل قادام 1400 جۇمىس ورنىن قۇرۋعا مۇمكىندىك بەرگەنىن مالىمدەدى. سولتۇستىك قازاقستان وبلىسى ماسليحاتىنداعى پارتيا فراكتسياسىنىڭ جەتەكشىسى يرينا ەكتوۆا دەپۋتاتتار مەملەكەتتىك ورگاندارعا 805 سۇراق جولداعانىن، سونىڭ ناتيجەسىندە بۋلاەۆ سۋ قۇبىرىن قايتا جاڭعىرتۋعا، «جەزقازعان-پەتروپاۆل» تاس جولىن جوندەۋگە جانە 46 مەديتسينالىق نىسان قۇرىلىسىن قارجىلاندىرۋعا قول جەتكىزىلگەنىن اتاپ ءوتتى.

«جاستار رۋحى» قىزىلوردا وبلىستىق فيليالىنىڭ توراعاسى اسەتحان بايمۇرزا IT-سالاسىن ناسيحاتتاۋعا باعىتتالعان كونكۋرس تۋرالى ايتىپ، ونىڭ قورىتىندىسى بويىنشا 4 جەڭىمپاز ءبىلىم گرانتىن يەلەنگەنىن جەتكىزدى. وڭىردە «ەرىكتى – كومەككە» جوباسى ءساتتى جۇزەگە اسىپ، ۆولونتەرلەر تۇرعىندارعا 109 سەنىم تەلەفونى ارقىلى كومەك كورسەتۋدە.

سۋرەتتى تۇسىرگەن: ءالي عالىم.

ال تۇركىستان وبلىسىنداعى «ورتالىق» باستاۋىش پارتيا ۇيىمىنىڭ توراعاسى دانيار كوبەەۆ جۇمىسشى ماماندىقتارى جىلى اياسىندا ستۋدەنتتەر مەن ايەلدەرگە تىگىنشىلىك بويىنشا تەگىن شەبەرلىك سىنىپتارى ۇيىمداستىرىلعانىن حابارلادى.

جيىندى قورىتىندىلاي كەلە، «AMANAT» توراعاسى ەرلان قوشانوۆ پارتيالىقتار مەملەكەت باسشىسىنىڭ بارلىق باستاماسىن، پرەزيدەنتىنىڭ «ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» سايلاۋالدى باعدارلاماسىن، پارتيانىڭ «حالىقپەن بىرگە!» سايلاۋالدى باعدارلاماسىن، سونداي-اق پارتيالىق جوبالاردى ىسكە اسىرۋ جۇمىسىن كۇشەيتۋگە ءتيىس ەكەنىن اتاپ ءوتتى.

سونىمەن قاتار، پارتيا توراعاسى «AMANAT»-تىڭ ايەلدەر قاناتىنىڭ، «جاستار رۋحى» جاستار قاناتىنىڭ قىزمەتىن جانداندىرۋ جانە قوعامدا تسيفرلىق گيگيەنانى ىلگەرىلەتۋ جونىندە بىرقاتار تاپسىرما بەردى.

Abai.kz