وزبەكستاندا قىتاي كومپانيالار سانى 43,6%-عا وسكەن. ال رەسەي، تۇركيا، قازاقستان، وڭتۇستىك كورەيا جانە اقش كاسىپورىندارىنىڭ سانى ازايعان، دەپ حابارلايدى gazeta.uz باسىلىمى.

وزبەكستاننىڭ ستاتيستيكا اگەنتتىگىنىڭ حابارلاۋىنشا، 2025 جىلعى 1 قاڭتارداعى جاعداي بويىنشا ەلدە شەتەلدىك ينۆەستيتسيالاردىڭ قاتىسۋىمەن 14 871 كاسىپورىن جۇمىس ىستەپ تۇر. وتكەن جىلى ولاردىڭ سانى 5,8%-عا نەمەسە 818 بىرلىككە ءوستى. ونىڭ ىشىندە 3965-ءى بىرلەسكەن كاسىپورىن بولسا، 10 906-سى شەتەلدىك.

شەتەلدىك كاپيتالى بار كومپانيالار سانى بويىنشا قىتاي ءبىرىنشى ورىنعا شىقتى (3357 كومپانيا). بۇل 2023 جىلعا قاراعاندا 43,6%-عا ارتىق. بۇل جىل قورىتىندىسى بويىنشا جۇمىس ىستەپ تۇرعان شەتەلدىك كاسىپورىندار سانى بويىنشا رەكوردتىق ءوسىم.

ەكىنشى ورىندا رەسەي تۇر. رەسەيلىك كاپيتالى بار كومپانيالاردىڭ سانى 3,5%-عا ازايدى (2937).

باسقا ەلدەردىڭ دە كاسىپورىندار سانى ازايعان: تۇركيا – 1826 كاسىپورىن (-3%), قازاقستان – 1041 (-2,2%), وڭتۇستىك كورەيا – 644 (-12,5%), اقش — 304 (-2,9%).

Abai.kz