قر اۋىل شارۋاشىلىعى ۆيتسە-ءمينيسترى ەرمەك كەنجەحانۇلى تۇركيانىڭ ۆەتەرينارلىق قىزمەتىمەن ەت ەكسپورتى بويىنشا جۇمىستار جۇرگىزىلىپ جاتقانىن ايتتى.

- تۇركياعا نەگىزگى ەكسپورتتىق ونىمدەر اراسىندا ءداندى جانە بۇرشاق داقىلدارى بار. ال تۇركيادان كەلەتىن يمپورتتا كوكونىستەر، جەمىستەر، جاڭعاق جانە باسقا دا داقىلدار قامتىلعان، - دەدى اۋىل شارۋاشىلىعى ۆيتسە-ءمينيسترى ەرمەك كەنجەحانۇلى سەنات وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، قازىر تۇركياعا ەت جانە ەت ونىمدەرىن ەكسپورتتاۋدى ۇيىمداستىرۋ جۇمىستارى اتقارىلىپ جاتىر.

- سونىڭ اياسىندا تۇركيانىڭ ۆەتەرينارلىق قىزمەتىمەن ءتيىستى جۇمىستار پىسىقتالىپ وتىر. تۇركياعا ەت جانە ەت ونىمدەرىن ەكسپورتتاۋعا باراتىن كاسىپورىنداردىڭ ءتىزىمى جاسالادى، - دەدى ۆيتسە-مينيستر.

بۇگىن سەناتتىڭ جالپى وتىرىسىندا «قازاقستان ۇكىمەتى مەن تۇركيا ۇكىمەتى اراسىنداعى وسىمدىكتەر كارانتينى جانە ولاردى قورعاۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭى ماقۇلداندى.

Abai.kz