بۇل تۋرالى اقش مەملەكەتتىك حاتشىسى ماركو رۋبيو X جەلىسىندە حابارلادى. قالعان باعدارلامالار مەملەكەتتىك دەپارتامەنتتىڭ باسقارۋىنا بەرىلمەك.

رۋبيونىڭ سوزىنشە، اق ءۇي اگەنتتىكتىڭ 6200 كەلىسىمشارتىنان 5200-ءىن جويۋ تۋرالى شەشىم قابىلداعان.

كونگرەسسپەن سويلەسۋ ارقىلى USAID-ءتىڭ شامامەن 1000 باعدارلاماسى ساقتالدى. قالعان 18%-ى ەندى اقش مەملەكەتتىك دەپارتامەنتىنىڭ باسقارۋىندا بولماق.

USAID 1961 جىلى اقش پرەزيدەنتى دجون كەننەدي اكىمشىلىگى كەزىندە قۇرىلعان. تاۋەلسىز ۇكىمەتتىك اگەنتتىك الەم بويىنشا گۋمانيتارلىق كومەك جانە دامۋ باعدارلامالارىن قارجىلاندىرادى. ول جىل سايىن كەدەيلىكپەن كۇرەسكە، اۋرۋلاردى ەمدەۋگە، اشتىق پەن تابيعي اپاتتاردىڭ زارداپتارىن جويۋعا ميللياردتاعان دوللار ءبولىپ كەلدى.

USAID دەرەگىنشە، 2022 جىلى رەسەيدىڭ ۋكرايناعا باسىپ كىرۋىنەن باستاپ اقش ۋكرايناعا 2,6 ميلليارد دوللار گۋمانيتارلىق كومەك، دامۋ باعدارلامالارى ءۇشىن 5 ميلليارد دوللار جانە تىكەلەي بيۋدجەتتىك قولداۋ رەتىندە 30 ميلليارد دوللار باعىتتاعان. باسىلىمنىڭ جازۋىنشا، ءتيىستى كومەك بوسقىندارعا كومەكتەسۋگە، شۇعىل كومەك كورسەتەتىن مەملەكەتتىك قىزمەتكەرلەردىڭ جالاقىسىن تولەۋگە جۇمسالدى.

2024 جىلى USAID ۋكرايناداعى شابۋىلداردان بۇلىنگەن ينفراقۇرىلىمدى قالپىنا كەلتىرۋ باعدارلاماسىنا جانە مەملەكەتتىك قىزمەتتەردى قامتاماسىز ەتۋگە 522 ميلليون دوللار ءبولدى.

Abai.kz