ىشكى ىستەر ءمينيسترىنىڭ ورىنباسارى سانجار ءادىلوۆ تالعاردا كىسى قولىنان قازا تاپقان 16 جاستاعى شەرزات بولاتتىڭ ءىسى بويىنشا ماتەريالدار الداعى كۇندەرى سوتقا جىبەرىلەتىنىن ايتتى.

شەرزاتتىڭ ءىسى پروكۋراتۋرادا قارالۋدا. الداعى كۇندەرى، وسى اپتادا ءىس سوتقا كەلەدى دەپ كۇتەمىز. ولار نەگىزگى سوت ءىسىن جۇرگىزەتىن سۋديانى انىقتايدى. كەيىننەن سوت تۇسىنىكتەمە بەرسە دۇرىس بولادى دەپ ويلايمىن، - دەيدى سانجار ءادىلوۆ.

ءمينيستردىڭ ورىنباسارى ول نەگىزگى سوت تالقىلاۋى قاشان باستالاتىنىن ناقتى ايتا المادى.

سانجار ءادىلوۆ سونىمەن قاتار، شەرزات بولاتتىڭ اعاسى نۇرقانات عايىپباەۆتىڭ ءىسى بويىنشا تەرگەۋ جۇرگىزىلىپ جاتقانىن، ول ىستە ەشكىم كۇدىكتى رەتىندە تانىلماعانىن ايتادى.

Abai.kz