بوكستان قىزدار اراسىنداعى الەم چەمپيوناتىندا توپ جارعان رەسەيلىك قازاق سالتانات مەدەنوۆا «ماتچ تۆ» تەلەارناسىنا سۇحبات بەرىپ، ءوزىنىڭ ۇلتىنا قاتىستى دا مالىمدەمە جاسادى.

ول قازاقستانعا قونىس اۋدارۋ جوسپارىندا جوق ەكەنىن، وتانى رەسەي ەكەنىن ايتتى.

الەم چەمپيونى اتانۋ ارمانىم ەدى. اقشا ءۇشىن ەمەس، تۇعىردا تۇرىپ ءانۇران ورىنداۋدى ارماندايتىنمىن. مەن قازاقپىن. ماعان قازاقستاندىقتار «ەلىڭە قايت» دەپ ايتىپ جاتىر. بىراق مەنىڭ ەلىم، وتانىم – رەسەي. مەن وسىندا تۋدىم، وسىندا ءوستىم جانە وسىندا قالامىن، - دەدى سالتانات سۇحبات بارىسىندا.

ايتا كەتەيىك، بوكستان قىزدار اراسىنداعى الەم چەمپيوناتى سەربيانىڭ نيش قالاسىندا ءوتتى. 81 كەلىدە جۇدىرىقتاسقان سالتانات مەدەنوۆا ەكى قارسىلاسىن تەحنيكالىق نوكاۋتپەن جەڭسە، فينالدا تۇركيانىڭ داڭقتى بوكسشىسى يسيلدار بۋرسادان باسىم ءتۇستى.

Abai.kz