باعزى زاماننان بەلگىلى جىراۋلاردىڭ كوبى دەرلىك بولاشاقتا قانداي ەل بولۋى مۇمكىن ەكەنىن، ونىڭ جولى قالاي بولارىن بىلمەگەننەن - ءوز زامانىن سىناۋمەن شەكتەلدى...

سوندىقتان، مۇنداعا دەيىن بىزدەگى جىراۋلىق جانر ساقتالىپ، ول كوبىنە وتكەندى اڭساۋ نە قايتالاۋمەن كەلەدى. ياعني، «زار-زامان» سارىنى - قازاق پوەزياسىنىڭ وزەگى بولىپ كەلەدى.

بۇگىندە، ءبىزدىڭ الدىمىزدا «قانداي مەملەكەت قۇرا الامىز؟» دەگەن سۇراققا جاۋاپ تابا الاتىنداي بىلىمگە يە بولۋ مۇمكىندىگى پايدا بولدى.

ونى ءبىز الەمدىك تاريحي بىلىممەن سالىستىرا وتىرىپ انىقتاي الامىز.

ەندى، پوەزيا ەمەس، ناقتى عىلىمي وي العا شىعاتىن كەز كەلدى.

بىراق، حالىق ساناسى پوەتيكالىق دەڭگەيدە تۇر.

سوندىقتان، عىلىمي ناقتى جوبالار حالىقتان قولداۋ تاپپاي جاتىر، حالىق ونى تۇسىنبەي جاتىر...

تابار بولسا - حالىق ساياسي بەلسەندىلىگىمەن كوزگە ءتۇسىپ، قوعامدا جەكسۇرىن بولعان جەمقورلار مەن وزگە دە «دوگمات-ەرتەگىشىلەردى» ورىندارىنا قويار ەدى.

بىراق، ازىرگە، حالىقتىڭ ءبىلىمى از بولىپ، ءوزى دە سولاردىڭ جەتەگىنە كەتۋى كوبىرەك كەزدەسۋدە...

ونىڭ ۇستىنە، بىزدەگى «ساياسي بەلسەندى ۇلتتىقتىڭ» دامۋى - گەوساياسي فاكتورلارمەن ۇيلەسە داميتىن جاعداي ءالى تۋىنداماي تۇر...

ول ءاربىر ازاماتتىڭ «تاۋەلسىزدىك تۇراقتىلىعىنا»  تولىق سەنىمى پايدا بولعاندا - باتىل تۇردە كورىنەدى.

وسى باعىتتا دامۋ كەرەكپىز... - ەكونوميكادا، مادەنيەتتە، رۋحانياتتا، سالت-داستۇردە!

پروزا ءداۋىرى باستالدى!

ءابدىراشيت باكىرۇلى

Abai.kz