«سارقان اۋدانى بويىنشا ءبىلىم ءبولىمى» مم باس بۋحگالتەرى 8 جىلعا سوتتالدى.

مەملەكەت باسشىسىنىڭ تاپسىرماسىن ورىنداۋ ءۇشىن Cىبايلاس جەمقورلىققا قارسى ءىس-قيمىل اگەنتتىگى ءبىلىم بەرۋ سالاسىنداعى زاڭدىلىق قاعيداتىن قامتاماسىز ەتۋگە ەرەكشە نازار اۋدارادى.

تالدىقورعان قالالىق سوتى «سارقان اۋدانى بويىنشا ءبىلىم ءبولىمى» مم باس بۋحگالتەرى ك. قۇرمانعاليەۆاعا، سول ءبولىمنىڭ بۋحگالتەرلەرى ا. مۇراتوۆا مەن ا. قالاباەۆاعا، «قازپوشتا» اق اۋداندىق ۋچاسكەسىنىڭ باستىعى ا. تاكەنگە، «ايدانا» بوبەكجاي-باقشاسى مەڭگەرۋشىسىنىڭ م.ا. ن. بالعاباەۆاعا جانە جەتىسۋ وبلىسى ءىماب كامەرالدىق باقىلاۋ ءبولىمىنىڭ باسشىسى ۋ. جاپاباەۆقا قاتىستى ۇكىم شىعاردى

قۇرمانعاليەۆا، قالاباەۆا، مۇراتوۆا جانە تاكەن ءبىلىم ءبولىمى قىزمەتكەرلەرىنىڭ شوتتارىنا بەلگىلەنگەن جالاقىدان ارتىق اۋدارۋ جولىمەن 1,6 ملرد تەڭگە سوماسىندا بيۋدجەت قاراجاتىن جىمقىرعانى ءۇشىن كىنالى دەپ تانىلدى.

بالعاباەۆا، قالاباەۆا بالاباقشادا اۋديت جۇرگىزبەۋ سىلتاۋىمەن ولاردىڭ اقشالاي قاراجاتىن يەمدەنگەن جاپاباەۆقا پارا بەرۋگە وقتالعانى ءۇشىن كىنالى دەپ تانىلدى.

قۇرمانعاليەۆاعا 8 جىلعا، قالاباەۆا، مۇراتوۆا جانە تاكەنگە 7 جىلعا باس بوستاندىعىنان ايىرۋ جازاسى تاعايىندالدى.

بالعاباەۆا مەن جاپاباەۆقا تيىسىنشە 1,2 ملن تەڭگە جانە 1 ملن تەڭگە ايىپپۇل سالىندى.

سونىمەن قاتار، سوتتالعاندار مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويى ايىرىلدى.

سوت اكتىسى زاڭدى كۇشىنە ەنگەن جوق.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

Abai.kz