«بۇقارالىق سپورتتى دامىتۋ – مەملەكەت ساياساتىنىڭ ماڭىزدى باعىتى» - دەپ قاسىم-جومارت كەمەلۇلى توقاەۆتىڭ ۇلتتىق قۇرىلتايدا بەرىلگەن تاپسىرماسى بويىنشا جەتىسۋ وڭىرىندە قولعا الىنعان يگى باستامالارمەن ۇندەسىپ جاتىر. 

2025 جىلدىڭ 19 ءساۋىر كۇنى تالدىقورعان قالاسىنداعى «جاستار» سپورت سارايىندا كوپتەن كۇتكەن J LEAGUE جوباسىنىڭ رەسمي اشىلۋ سالتاناتى جوعارى دەڭگەيدە ءوتتى. 

سۋرەت: جەتىسۋ وبلىسى اكىمىنىڭ ءباسپاسوز قىزمەتىنەن الىندى.

شارانىڭ باستى ماقساتى – بالالاردىڭ سپورتقا دەگەن قىزىعۋشىلىعىن ارتتىرۋ، جەڭىسكە دەگەن جىگەرىن وياتىپ، تاجىريبە جيناۋىنا مۇمكىندىك جاساۋ. اشىلۋ سالتاناتىنا قاتىسقان قوناقتار مەن جاس سپورتشىلار بۇل باستامانىڭ اۋقىمىنا ءتانتى بولدى. 

سۋرەت: جەتىسۋ وبلىسى اكىمىنىڭ ءباسپاسوز قىزمەتىنەن الىندى.

جوبا اياسىندا 887 كوماندا تىركەلىپ، 8870 بالا قاتىسۋعا ءوتىنىم بەرگەن. قاتىسۋشىلار فۋتبول، ۆولەيبول جانە باسكەتبول سپورت تۇرلەرى بويىنشا باق سىنايدى. 

سۋرەت: جەتىسۋ وبلىسى اكىمىنىڭ ءباسپاسوز قىزمەتىنەن الىندى.

جارىستار ءار اۋدان مەن قالانىڭ ورتالىقتارىندا وتەدى. ءوز ايماعىندا جەڭىمپاز اتانعان كوماندالار اقتىق كەزەڭدە ونەر كورسەتىپ، شەشۋشى ويىنداردا تالدىقورعان تورىندە باس قوسادى. جەكسەنبى مەن سەنبى كۇندەرى وتەتىن بۇل اۋقىمدى دودا – جەتىسۋ ءوڭىرى سپورتىن دامىتۋعا باعىتتالعان تىڭ باستامالاردىڭ ءبىرى.  

سۋرەت: جەتىسۋ وبلىسى اكىمىنىڭ ءباسپاسوز قىزمەتىنەن الىندى.

ۇيىمداستىرۋشىلاردىڭ ايتۋىنشا، جوبا الداعى جىلدارى دا جالعاسىپ، بالالار سپورتىنىڭ جاڭا دەڭگەيگە كوتەرىلۋىنە سەرپىن بەرەدى. 

سۋرەت: جەتىسۋ وبلىسى اكىمىنىڭ ءباسپاسوز قىزمەتىنەن الىندى.

Abai.kz