«اقتوبە قالاسىنىڭ جول قوزعالىسى جانە تسيفرلىق تەحنولوگيالار قاۋىپسىزدىگىن قامتاماسىز ەتۋ ورتالىعى» كمم ديرەكتورى سوتتالدى.

مەملەكەت باسشىسىنىڭ تاپسىرماسىن ورىنداۋ ماقساتىندا سىبايلاس جەمقورلىققا قارسى ءىس-قيمىل اگەنتتىگى قوعامداعى زاڭدىلىق پەن ءتارتىپ قاعيداتىن قامتاماسىز ەتۋگە ەرەكشە نازار اۋدارادى.

اقتوبە قالاسىنىڭ № 2 سوتى «اقتوبە قالاسىنىڭ جول قوزعالىسى جانە تسيفرلىق تەحنولوگيالار قاۋىپسىزدىگىن قامتاماسىز ەتۋ ورتالىعى» كمم ديرەكتورى ا. تىلماعامبەتوۆكە قاتىستى ۇكىم شىعاردى.

ول جەكە كاسىپكەر ا. كۋسۋموۆپەن كەلىسە وتىرىپ، جالعان مەملەكەتتىك ساتىپ الۋ شارتىن جاساسۋ جانە جول بەلگىلەرىن قويۋ بويىنشا كورىنەۋ ورىندالماعان جۇمىستار ءۇشىن اقى تولەۋ ارقىلى 35 ملن تەڭگە يەمدەنگەنى انىقتالدى.

بۇل رەتتە، زاڭناما تالاپتارىن بۇزا وتىرىپ، جۇمىستاردى ساتىپ الۋ ءبىر كوزدەن الۋ تاسىلىمەن جۇزەگە اسىرىلعان.

بۇدان باسقا، تىلماعامبەتوۆ مەردىگەر ۇيىمدارمەن وزدەرىنىڭ كەپىلدىك مىندەتتەمەلەرى شەڭبەرىندە ورىندالۋى ءتيىس جول تاڭبالارىن سالۋ جونىندەگى جۇمىستاردى مەملەكەتتىك ساتىپ الۋ شارتتارىن جاساسۋ ارقىلى 237 ملن تەڭگە مولشەرىندە بيۋدجەت قاراجاتىن جۇمساعان.

سوت شەشىمىمەن تىلماعامبەتوۆكە 8 جىلعا باس بوستاندىعىنان ايىرۋ جازاسى تاعايىندالدى، سونداي-اق ءومىر بويى مەملەكەتتىك قىزمەتتە، سۋديادا جانە جەرگىلىكتى ءوزىن-ءوزى باسقارۋ ورگاندارىندا قىزمەت ەتۋ قۇقىعىنان ايىرىلدى.

سول ۇكىممەن ونىڭ سىبايلاسى كۋسۋموۆ كوممەرتسيالىق جانە مەملەكەتتىك ۇيىمداردا ماتەريالدىق جاۋاپتى لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 7 جىلعا باس بوستاندىعىنان ايىرىلدى.

سوت اكتىسى زاڭدى كۇشىنە ەنگەن جوق.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

Abai.kz