اقمولا وبلىسىنىڭ ارنايى پروكۋرورلارىمەن 170 ملن تەڭگەدەن استام قاراجاتتى جىمقىرعانى ءۇشىن كوكشەتاۋ قالاسى اكىمدىگىنىڭ تۇرعىن ءۇي-كوممۋنالدىق شارۋاشىلىق ءبولىمىمىنىڭ بۇرىنعى باسشىسى، تەحنيكالىق قاداعالاۋ – «م-ستروي پروەكت» جشس-ءى جانە مەردىگەر كومپانيا «پاۆلودارەنەرگومونتاج» جشس-ءنىڭ باسشىلارى ۇستالىپ، ۋاقىتشا ۇستاۋ يزولياتورىنا قامالدى.

اتالعان قاراجاتتار 2021 جىلى كوكشەتاۋ قالاسىندا ەسكى اەروپورتتان باستاپ قان ورتالىعىنا دەيىن «نابەرەجنايا» جاعاجايىن سالۋعا بولىنگەن.

كۇدىكتىلەردىڭ ارەكەتتەرى اسا ءىرى كولەمدە جىمقىرۋ – تالان-تاراجعا سالۋ، ياعني قازاقستان رەسپۋبليكاسى قىلمىستىق كودەكسىنىڭ 189-بابى 4-بولىگى بويىنشا سارالاندى. كورسەتىلگەن باپ بويىنشا مۇلكىن تاركىلەۋمەن قوسا 12 جىلعا دەيىن باس بوستاندىعىنان ايىرۋ جازاسى كوزدەلگەن.

بارلىق كۇدىكتىلەر سوت سانكتسياسىمەن كۇزەتپەن ۇستاۋعا الىندى.

تەرگەۋ بارىسىندا قىلمىستىق جولمەن الىنعان مۇلىك –استانا قالاسىندا 95 ملن تەڭگەگە باعالانعان كوممەرتسيالىق جىلجىمايتىن مۇلىك تابىلدى.

پروكۋرورلار «نابەرەجنايا» جوباسى بويىنشا جۇمىستىڭ ءبىر بولىگى اتباسار قالاسىنداعى باسقا وبەكتىسىنەن جىمقىرىلعان اقشاعا جاسالعانى انىقتالدى.

سول سەبەپتى، ءبىر كۇدىكتىنىڭ ارەكەتى قىلمىستىق جولمەن الىنعان اقشانى جانە وزگە مۇلىكتى زاڭداستىرۋ (جىلىستاتۋ), ياعني قازاقستان رەسپۋبليكاسى قىلمىستىق كودەكسىنىڭ 218-بابى 3-بولىگى بويىنشا قوسىمشا سارالاندى. بۇل ءۇشىن مۇلكىن تاركىلەۋمەن قوسا 10 جىلعا دەيىن باس بوستاندىعىنان ايىرۋ جازاسى كوزدەلگەن.

قازىرگى ۋاقىتتا، قىلمىستىق ءىس اياقتالۋ ۇستىندە، سوڭعى نۇكتەنى ءىس بويىنشا سوت قوياتىن بولادى.

Abai.kz