ءماجىلىس توراعاسى ەرلان قوشانوۆ ۇلى وتان سوعىسىنداعى جەڭىستىڭ 80 جىلدىعىنا وراي باۋىرجان مومىشۇلىنىڭ ەسكەرتكىشىنە گۇل شوقتارىن قويدى.

سۋرەت: mazhilis.parlam.kz سايتىنان الىندى.

ءىس-شاراعا پارلامەنت فراكتسيالارى مەن ارداگەرلەر ۇيىمدارىنىڭ وكىلدەرى جانە باۋىرجان مومىشۇلى مونۋمەنتى ماڭىنا جينالعان جۇرتشىلىق قاتىستى. ولار ەرلىكپەن قازا تاپقان قاھارمانداردىڭ رۋحىنا تاعزىم ەتىپ، ءبىر مينۋت ۇنسىزدىكپەن ەسكە الدى.

سۋرەت: mazhilis.parlam.kz سايتىنان الىندى.

باۋىرجان مومىشۇلى – قازاقتىڭ كورنەكتى جازۋشىسى، كەڭەس وداعىنىڭ باتىرى. ۇلى وتان سوعىسى كەزىندە گەنەرال-مايور پانفيلوۆ باسقارعان 316-اتقىشتار ديۆيزياسىنىڭ قۇرامىندا شايقاسقان. كەيىن پولككە، ديۆيزياعا قولباسشىلىق ەتتى. ماسكەۋ تۇبىندەگى شايقاستا كورسەتكەن ەرلىگى ءۇشىن 1942 جىلى كەڭەس وداعىنىڭ باتىرى اتاعىنا ۇسىنىلدى. بۇل ناگرادا وعان قايتىس بولعاننان كەيىن 1990 جىلى بەرىلدى.

سۋرەت: mazhilis.parlam.kz سايتىنان الىندى.

سۋرەت: mazhilis.parlam.kz سايتىنان الىندى.

استاناداعى باتىرعا ارنالعان ەسكەرتكىش 2008 جىلى اشىلدى. بۇل – باۋىرجان مومىشۇلىنىڭ تۋعان ءوڭىرى جامبىل وبلىسىنىڭ ەلورداعا جاساعان تارتۋى.

سۋرەت: mazhilis.parlam.kz سايتىنان الىندى.

ءماجىلىستىڭ ءباسپاسوز قىزمەتى. سۋرەتتى تۇسىرگەن – ت.تانىباەۆ

Abai.kz