ءماجىلىس توراعاسى ەرلان قوشانوۆ باستاعان قازاقستان پارلامەنتىنىڭ دەلەگاتسياسى ۇجىمدىق قاۋىپسىزدىك تۋرالى شارت ۇيىمى پارلامەنتتىك اسسامبلەياسى كەڭەسىنىڭ وتىرىسىنا قاتىستى. جيىن قىرعىز رەسپۋبليكاسىنىڭ استاناسى بىشكەك قالاسىندا ءوتتى.

سۋرەتتى تۇسىرگەن –  ج.جۇمابەكوۆ.

ءىس-شارا باستالار الدىندا قىرعىزستان پرەزيدەنتى سادىر جاپاروۆ پارلامەنت دەلەگاتسيالارىنىڭ باسشىلارىن قابىلدادى. ول ۇقشۇ پارلامەنتتىك اسسامبلەياسىنىڭ ۇيىم قىزمەتىن زاڭنامالىق تۇرعىدا قولداۋداعى ءرولىن جوعارى باعالاپ، وتىرىستىڭ تابىستى ءوتۋىن تىلەدى.

ەرلان قوشانوۆ ۇقشۇ پارلامەنتتىك اسسامبلەياسى كەڭەسىندە سويلەگەن سوزىندە جوگوركۋ كەنەش توراعاسى نۋرلانبەك شاكيەۆكە 2025 جىلى قىرعىز رەسپۋبليكاسىنىڭ ۇيىمعا توراعالىعى اياسىنداعى باسىمدىقتاردى جەمىستى جۇزەگە اسىرۋىنا تىلەكتەستىك ءبىلدىردى.

قازاقستان دەلەگاتسيانىڭ باسشىسى ارىپتەستەرىنىڭ نازارىن ۇقشۇ-عا مۇشە ەلدەردە ەسىرتكىنىڭ زاڭسىز اينالىمى مەن ينتەرنەت الاياقتىقتىڭ وسۋىنە اۋداردى. ول مۇنداي جاھاندىق قاۋىپ-قاتەرلەرگە قارسى زاڭنامالىق توسقاۋىل قويۋ ءۇشىن كۇش بىرىكتىرۋگە شاقىردى. ءماجىلىس توراعاسى ميلليونداعان ادام وسى قىلمىستىڭ قۇربانىنا اينالاتىنىن، ال ۇيىمداستىرۋشىلارى كوبىنە شەتەلدەن ارەكەت ەتەتىنىن اتاپ ءوتتى.

سۋرەتتى تۇسىرگەن –  ج.جۇمابەكوۆ.

– ۇقشۇ پارلامەنتتىك اسسامبلەياسى سينتەتيكالىق ەسىرتكى مەن كيبەرقىلمىسقا قارسى ءىس-ارەكەت سالاسىندا ورتاق قۇقىقتىق كەڭىستىك قۇرۋعا ىقپال ەتە الادى. قازاقستان دەپۋتاتتارى وسى جۇمىسقا بەلسەنە اتسالىسۋعا دايىن. بۇل ماسەلەلەردە بىزدە بۇرىننان قالىپتاسقان قۇقىقتىق تاجىريبە بار. پرەزيدەنت قاسىم-جومارت كەمەلۇلى توقاەۆتىڭ تاپسىرماسى بويىنشا ەسىرتكى قىلمىستارىنا قاتىستى جاۋاپكەرشىلىك زاڭنامالىق تۇرعىدا ەداۋىر كۇشەيتىلدى. بيىلعى پارلامەنتتىك سەسسيانىڭ سوڭىنا دەيىن ينتەرنەت الاياقتىق ءۇشىن دە جاۋاپكەرشىلىكتى زاڭ جۇزىندە قاتاڭداتۋدى جوسپارلاپ وتىرمىز، – دەدى ەرلان قوشانوۆ.

سونداي-اق ءماجىلىس توراعاسى ۇقشۇ-عا مۇشە ەلدەردىڭ دەپۋتاتتارىن اۋعانستانداعى جاعدايدى ۇنەمى نازاردا ۇستاۋعا شاقىردى. ونىڭ ايتۋىنشا، ەلدەگى احۋال تۇراقتانىپ كەلەدى.

سۋرەتتى تۇسىرگەن –  ج.جۇمابەكوۆ.

ەرلان قوشانوۆ قازاقستان تاراپىنىڭ تاجىكستان مەن اۋعانستان شەكاراسىن نىعايتۋ قاجەتتىگى جونىندەگى ۇستانىمىن ءبىلدىردى. استاناداعى سامميتتە قابىلدانعان ۇقشۇ-نىڭ ماقساتتى مەملەكەتارالىق باعدارلاماسى دا وسى ماسەلەنى شەشۋگە باعىتتالعان. ەكىنشى ماڭىزدى مىندەت رەتىندە سپيكەر اۋعانستانعا كومەك كورسەتۋ جانە ەلدەگى وزەكتى گۋمانيتارلىق ماسەلەلەردى شەشۋ ءۇشىن حالىقارالىق كۇش-جىگەردى بىرىكتىرۋدى اتاپ ءوتتى.

سۋرەتتى تۇسىرگەن –  ج.جۇمابەكوۆ.

ءماجىلىس توراعاسى ءدال وسى ماقساتتا الماتىدا ورتالىق ازيا مەن اۋعانستان ەلدەرى ءۇشىن بۇۇ-نىڭ ورنىقتى دامۋ ماقساتتارى جونىندەگى وڭىرلىك ورتالىعى قۇرىلعانىن ەسكە سالدى. ەرلان قوشانوۆ ءسوزىن قورىتىندىلاي كەلە، ءوزارا قۇرمەت پەن سەنىم ۇقشۇ پارلامەنتتىك اسسامبلەياسىنداعى تابىستى ىنتىماقتاستىقتىڭ كەپىلى ەكەنىنە نازار اۋدارىپ، قول جەتكىزىلگەن بارلىق ۋاعدالاستىقتىڭ تابىستى جۇزەگە اسۋىنا تىلەكتەستىك ءبىلدىردى.

ءىس-شارا اياسىندا پارلامەنت دەلەگاتسيالارىنىڭ باسشىلارى بىشكەكتەگى جەڭىس مونۋمەنتىندەگى ماڭگىلىك الاۋعا گۇل شوقتارىن قويۋ راسىمىنە قاتىستى.

Abai.kz