زەينەتاقى قورى مامىردىڭ قورىتىندىسىن شىعارىپ، بالالاردىڭ ەنشىسىنە بولىنگەن قارجىنىڭ ەسەبىن ۇسىندى.

2025 جىلدىڭ 1 مامىرىنداعى جاعداي بويىنشا بجزق «ۇلتتىق قور – بالالارعا» اياسىندا 11,5 ملن دوللار (5,9 ملرد تەڭگە) ەسەپتەگەن. قاراجات نەگىزىنەن تۇرعىن ءۇي (58%) جانە ءبىلىم (42%) سالالارى بويىنشا كورسەتىلىپتى.

ناقتىراق ايتار بولساق:

تۇرعىن ءۇي – 6,7 ملن دوللار (56,9 مىڭ ءوتىنىم):

تقجب-داعى سالىمداردى تولىقتىرۋ – 6,6 ملن دوللار (55,5 مىڭ ءوتىنىم)
يپوتەكا بويىنشا العاشقى جارنا – 49,9 مىڭ دوللار
تۇرعىن ءۇي تولەمىن تولىق تولەۋ – 38,6 مىڭ دوللار

ءبىلىم – 4,8 ملن دوللار (40,7 مىڭ ءوتىنىم)

قازاقستانداعى وقۋ اقىسى – 4,2 ملن دوللار
ءبىلىم سالىمدارى – 412 مىڭ دوللار
شەتەلدە ءبىلىم الۋ – 115 مىڭ دوللار

ساراپشىلاردىڭ سوزىنشە، باعدارلاما ناتيجەسىندە ازاماتتار بەلسەندى تۇردە تۇرعىن ءۇي جاعدايلارىن جاقسارتىپ، ءبىلىم كاپيتالىنا قارجى قۇيا باستادى. بۇل ءوز كەزەگىندە جىلجىمايتىن مۇلىككە دەگەن سۇرانىستى كۇشەيتىپ، ءبىلىم جۇيەسىن نىعايتادى.

ۇلتتىق قور قارجىسىنىڭ ءادىل ۇلەستىرىلۋى جاڭا بۋىن ازاماتتار ءۇشىن سەنىمدى قارجىلىق بازا قالىپتاستىرادى دەگەن ءۇمىت بار.

Abai.kz