قازاقستاندىقتاردىڭ زەينەتاقى جيناقتارىنا قاتىستى ۇلكەن وزگەرىستەر كەلە جاتىر! ەندى ءسىز جيناعان اقشاڭىزدىڭ 100 پايىزعا دەيىنگى بولىگىن جەكە ينۆەستيتسيالىق كومپانيالاردىڭ باسقارۋىنا بەرە الاسىز.

ءيا، قاتە ەستىگەن جوقسىز، بۇرىنعى 50%-دىق شەكتەۋ كەلمەسكە كەتتى. ەندى تاڭداۋ ءوز قولىڭىزدا: اقشاڭىزدى ۇلتتىق بانكتە قالدىرىپ، كونسەرۆاتيۆتى ءوسىمدى قاناعات تۇتاسىز با، الدە تاۋەكەلگە بەل بۋىپ، جەكە باسقارۋشىلارعا سەنەسىز بە؟

بيلىك بۇل قادامدى جۇيەنىڭ يكەمدىلىگىن ارتتىرىپ، تابىستى ەسەلەۋ مۇمكىندىگى دەپ تۇسىندىرۋدە. بىراق... مۇنىڭ ەكىنشى جاعى دا بار.

سەزىكتى تۇسى قانداي؟

2027 جىلدان باستاپ مەملەكەت زەينەتكە شىققان كەزدەگى ينفلياتسيا مەن زەينەتاقى اكتيۆتەرىنىڭ كىرىستىلىگى اراسىنداعى ايىرماشىلىقتى وتەۋدەن (كومپەنساتسيا) باس تارتپاق! ياعني، بۇرىنعى «ينفلياتسيا جەپ قويسا، مەملەكەت قايتارادى» دەگەن قاۋىپسىزدىك جاستىعى ەندى بولمايدى. شەنەۋنىكتەردىڭ ءۋاجى قىسقا: جاڭا مودەل ۇزاق مەرزىمدى تابىسقا باعىتتالعاندىقتان، ەسكى مەحانيزم ءوز وزەكتىلىگىن جوعالتتى.

الايدا، مەملەكەت مىندەتتى زەينەتاقى جارنالارى بويىنشا كەپىلدىكتەردى ساقتاپ قالاتىنىن ايتىپ وتىر.

الدا نە كۇتىپ تۇر؟ «سينگاپۋر مودەلى» مەن «4+1»

بۇل تەك باستاماسى عانا. ەڭبەك مينيسترلىگى بۇدان دا اۋقىمدى مودەرنيزاتسيانى پىسىقتاپ جاتىر:

• «4+1» مودەلى مەن ساقتاندىرۋ كومپونەنتىن ەنگىزۋ;
• 40 جىلدىق ەڭبەك ءوتىلىن ەسەپكە الۋ جۇيەسى;
• الەمدەگى ەڭ وزىق سانالاتىن سينگاپۋر مودەلىنىڭ ەلەمەنتتەرىن ەنگىزۋ.

ماقسات بەلگىلى — قازاقستاندىقتاردى ءومىر بويى زەينەتاقى تولەمدەرىمەن قامتاماسىز ەتۋ جانە جوعالعان تابىستى الماستىرۋ دەڭگەيىن 40% جانە ودان دا جوعارى دەڭگەيگە كوتەرۋ. بىراق بۇل رەفورما ءبىزدى قارتايعاندا بايىتا ما، الدە تاۋەكەلدىڭ استىندا قالدىرا ما؟

وسى تۋرالى پىكىرىڭىزدى Abai.kz اقپاراتتىق پورتالىنىڭ Telegram-داعى پاراقشاسىنا جازىڭىز...

Abai.kz