كارىم ءماسىموۆتىڭ بولەك لوتقا قويىپ ساتىلاتىن مۇيىزدەن جاسالعان سەمسەرى وزگە ۇلتتىڭ قولىندا كەتپەۋ ءۇشىن، ەتنيكالىق اۋقاتتى كاسىپكەرلەر وسى اۋكتسيونعا قاتىسىپ، ءماسىموۆتىڭ قىلىشىن ساتىپ الماق.

«نەگىزى كوللەكتسيادا قىلىش، سەمسەر، ءتىپتى كاتانا دا بار. كاسىپكەرلەردى قىزىقتىرىپ وتىرعانى - سابى مۇيىزدەن جاسالعان، تاريحى تەرەڭ، باعالى قىلىش. ءماسىموۆ ول قىلىشتى بەكەر الماعان بولاتىن. بولاشاقتا ول ساكرالدى مانگە يە بولىپ، قازاقتار ءۇشىن كەنەسارىنىڭ باسى قانداي ماڭىزدى بولسا، بۇل دا بەلگىلى ەتنيكالىق توپ ءۇشىن سونداي ماڭىزعا يە بولۋى مۇمكىن»، - دەيدى، DALA INSIDE دەرەككوزى.

قازىر ءمۇيىز ساپتى بۇل قىلىش ەلەكتروندى اۋكتسيون رەەسترىندە شامامەن 1,3 ميلليون تەڭگەگە باعالانادى. بىراق اۋكتسيون بارىسىندا باعاسى بىرنەشە ەسە ءوسىپ كەتۋى عاجاپ ەمەس. «ءتىپتى 10 ميلليون تەڭگەگە وسسە دە، ساتىپ الۋعا دايىن ادامدار بار» دەيدى، دەرەككوز. كارىم ءماسىموۆتىڭ بۇل قىلىشىنىڭ ەنەرگەتيكالىق قاسيەتى تۋرالى اقپارات بار.

دەرەككوز پرەزيدەنت رەتىندە ءوز ادامىن قويىپ، ءوزى قازاقستاندى كولەڭكەدەن تولىق باسقارار جوسپارىن ويلاعاندا كارىم ءماسىموۆ وسى سەمسەرمەن سەرتتەسكەن دەگەن قاۋەسەتتەرمەن ءبولىستى.

ەندى قاي كاسىپكەر وسى قىلىشقا يە بولسا، سول ءوز سالاسىنىڭ كەم دەگەندە مونوپوليسىنە اينالادى پىكىرلەر پايدا بولا باستادى. جانە سەمسەردىڭ ءوز ۇلتىنىڭ، ەتنوسىنىڭ قاراۋىندا قالۋى مىندەتتى دەگەن ءپاتۋا دا ايتىلعان. DALA INSIDE بۇل اۋكتسيوننىڭ بارىسىن باقىلاپ وتىرماق. جانە ءمۇيىز سەمسەردى قولعا تۇسىرگەن كاسىپكەردىڭ بيزنەستەگى بولاشاعى دا سارالاناتىن بولادى. وسى سەمسەر وتاندىق اۋكتسيونداعى ساتىپ الۋعا نيەت بىلدىرۋشىلەر سانى بويىنشا جاڭا رەكورد قويۋى مۇمكىن.

Abai.kz