قازاقستانعا 87 ەلدىڭ ازاماتى ۆيزاسىز، تاعى 107 ەلدىڭ تۇرعىندارى ەلەكتروندى ۆيزامەن كىرە الادى. بۇل تۋرالى تۋريزم جانە سپورت ءمينيسترى ەربول مىرزابوسىنوۆ مالىمدەدى.

"جازعى ماۋسىم قارساڭىندا تۋريستەردىڭ قاۋىپسىزدىگى مەن جايلىلىعى ەڭ ماڭىزدى ماسەلە بولىپ وتىر. ءتۋريستىڭ جولى اۋەجايدان باستالىپ، قوناق ءۇي، مەيرامحانا مەن تۋريستىك نىساندارعا دەيىن جالعاسادى. وسى ارالىقتا ءاربىر كەزەڭدە قولايلى جاعداي جاسالۋ قاجەت. سوڭعى جىلدارى قازاقستان شەتەلدىك تۋريستەر ءۇشىن اناعۇرلىم اشىق ەلگە اينالدى. بۇگىندە 87 ەلدىڭ ازاماتى قازاقستانعا ۆيزاسىز، تاعى 107 ەلدىڭ ازاماتى ەلەكتروندى ۆيزامەن كىرە الادى", - دەدى مينيستر.

ەربول مىرزابوسىنوۆ اۋە قاتىناسى كەڭەيىپ جاتقانىن ايتتى.

"اشىق اسپان" ساياساتىنىڭ ارقاسىندا وتكەن جىلى 22 جاڭا مارشرۋت ىسكە قوسىلدى. بيىل تاعى 32 مارشرۋت جوسپارلانىپ وتىر. 2024 جىلى ەلگە 15,3 ميلليون شەتەلدەن كەلگەن. سونداي-اق، 10 ميلليوننان استام ىشكى تۋريست ەل ىشىندە ساياحاتتاعان", - دەدى ۆەدومستۆو باسشىسى.

Abai.kz