قازاقستاندا باعا تاعى ءوستى. اقىلى قىزمەتتەر ءبىر جىلدا 16%-عا كوتەرىلگەن.

ۇلتتىق ستاتيستيكا بيۋروسىنىڭ مالىمەتىنە سايكەس، 2025 جىلعى ماۋسىمدا قازاقستاندا تۇتىنۋ باعالارى ايتارلىقتاي وسكەن. ەڭ كوپ قىمباتتاعان اقىلى قىزمەتتەر، ازىق-تۇلىك جانە ازىق-تۇلىك ەمەس تاۋارلار. ەلدىڭ بىرقاتار وڭىرىندە ينفلياتسيا دەڭگەيى رەسپۋبليكالىق ورتاشا كورسەتكىشتەن جوعارى.

قازاقستاندا ينفلياتسيا قارقىنى باسەڭدەر ەمەس. ۇلتتىق ستاتيستيكا بيۋروسىنىڭ دەرەكتەرىنە سۇيەنسەك، 2025 جىلعى مامىردا ءبىر جىل ىشىندە:

-اقىلى قىزمەتتەر – 16,1 %-عا (مامىردا – 16 %)

-ازىق-تۇلىك تاۋارلارى – 10,6 %-عا (مامىردا – 9,6 %)

-ازىق-تۇلىك ەمەس تاۋارلار – 9,4 %-عا (مامىردا – 9 %) ءوستى.

2025 جىلعى ماۋسىم ايىندا7 وڭىردە ينفلياتسيا دەڭگەيى رەسپۋبليكالىق ورتاشا كورسەتكىشتەن جوعارى بولعان. ولاردىڭ ىشىندە:

-الماتى قالاسى – 13,8 %

-قاراعاندى وبلىسى – 13,5 %

-استانا قالاسى – 13,1 %
ينفلياتسيا بويىنشا كوش باستاپ تۇر.

جىلدىق ينفلياتسيا قۇرىلىمىندا ەڭ ۇلكەن ۇلەس كەلەسى سالالارعا تيەسىلى:

-ازىق-تۇلىك پەن الكوگولسىز سۋسىندار – 4,2 پايىزدىق پۋنكت

-تۇرعىن ءۇي-كوممۋنالدىق قىزمەتتەر – 1,8 پ.پ.

-دەنساۋلىق ساقتاۋ – 1,5 پ.پ.

2025 جىلعى ماۋسىمدا:

-ازىق-تۇلىك جانە ازىق-تۇلىك ەمەس تاۋارلار – +0,9 %

-اقىلى قىزمەتتەر – +0,8 % وسكەنى تىركەلدى.

Abai.kz