استانادا الاياقتىق پەن ۇرلىق جاسادى دەپ ايىپتالعان قوعام بەلسەندىسى پەريزات قايراتقا قاتىستى باستى سوت پروتسەسى جالعاسۋدا. بۇگىن كۋاگەر رەتىندە "اسار-ۋمە" قوعامدىق بىرلەستىگىنىڭ باسشىسى اسحات نۇرماشەۆ سۇراقتارعا جاۋاپ بەردى. ونىڭ ايتۋىنشا، 2023 جىلدىڭ قاراشاسىندا ول پەريزات قايراتپەن گازا سەكتورىنداعى تۇرعىندارعا كومەك كورسەتۋ تۋرالى كەلىسىم جاساعان. نۇرماشەۆتىڭ سوزىنشە، ايىپتالۋشى وعان قازاقستانداعى پالەستينا ەلشىلىگىمەن مەموراندۋمعا قول قويعانىن جانە پالەستينالىقتارعا گۋمانيتارلىق كومەك كورسەتۋ ءۇشىن ابۋ-دابيدە ورنالاسقان حالىقارالىق حابقا كىرۋگە اككرەديتاتسياسى بار ەكەنىن ايتىپ سەندىرگەن. نۇرماشەۆ پەريزات قايراتتىڭ قورىنا 200 ميلليون تەڭگە اۋدارعانىن مالىمدەدى.

– 8 قاراشا كۇنى ءبىز سول قويماعا كىرە الاتىنىمىزدى تالقىلادىق، ول جەرگە كەز كەلگەن ادامدى كىرگىزبەيدى. سول كەزدە پەريزات قايراتتىڭ حالىقارالىق قويماعا كىرۋگە اككرەديتاتسياسى عانا ەمەس، سونداي-اق بىرىككەن اراب امىرلىكتەرىنىڭ بيلەۋشى اۋلەتىمەن بايلانىسى بار ەكەنى ايتىلدى، – دەدى نۇرماشەۆ.

پەريزات قايرات پەن ونىڭ اناسى عايني الاشباەۆاعا قر قك 190-بابى 4-بولىگىنىڭ 2-تارماعى، 218-بابى 3-بولىگىنىڭ 3-تارماعى جانە 2-بولىگىنىڭ 1-تارماعى بويىنشا قىلمىستىق ءىس قوزعالعان. پروكۋرورلاردىڭ مالىمەتىنشە، 2021 جىلدان 2024 جىلعا دەيىن پەريزات قايرات پەن ونىڭ اناسى 3,5 ملرد تەڭگەنى قولما-قول شەشىپ العان.