وسكەمەن قالاسىندا اۋەجاي باسشىلىعىنىڭ قارجى جىمقىرۋ مەن زاڭداستىرۋ سحەماسى اشكەرەلەندى.

قما شقو بويىنشا دەپارتامەنتى باس كولىك پروكۋراتۋراسىنىڭ ۇيلەستىرۋىمەن «وسكەمەن اۋەجايى» اق باسشىلىعىنا قاتىستى قىزمەتتىك وكىلەتتىكتەرىن اسىرا پايدالانۋ، اسا ءىرى كولەمدە سەنىپ تاپسىرىلعان مۇلىكتى يەمدەنۋ جانە قىلمىستىق جولمەن الىنعان قاراجاتتى زاڭداستىرۋ فاكتىلەرى بويىنشا تەرگەۋدى اياقتادى.

بەس  جىل بويى اكتسيونەرلىك قوعامنىڭ بۇرىنعى پرەزيدەنتى مەن وزگە دە لاۋازىمدى تۇلعالارى ەڭبەكاقىنى نەگىزسىز كوبەيتۋ، جالعان سىياقىلار مەن جالعان شارتتار جاساۋ ارقىلى جۇيەلى تۇردە اقشا جىمقىرعان. جىمقىرىلعان قاراجات كەيىن كاسسا ارقىلى قولما-قول اقشاعا اينالدىرىلعان.

قوعامعا تيەسىلى كولىك قۇرالدارى بۋحگالتەرلىك ەسەپتەن شىعارىلىپ، نارىقتاعى قۇنىنان بىرنەشە ەسە تومەن باعامەن سەنىمدى تۇلعالارعا ساتىلعان.

سونىمەن قاتار، قوعامنىڭ كوممەرتسيالىق نىساندارى جەڭىلدەتىلگەن شارتتارمەن جالعا بەرىلگەنى انىقتالدى: ياعني، جالداۋ اقىسى تومەندەتىلىپ، ناقتى جالعا بەرىلگەن اۋماق ازايتىلىپ كورسەتىلگەن.

مەملەكەتكە كەلتىرىلگەن جالپى زالال 157 ملن تەڭگەنى قۇرادى.

سوت سانكتسياسىمەن كۇدىكتىلەردىڭ 126 ملن تەڭگە كولەمىندەگى مۇلكىنە (4 پاتەر، جەر ۋچاسكەسى جانە 2 اۆتوكولىك) تىيىم سالىندى.

كۇدىكتىلەر قاماۋعا الىندى.

قر قپك-ءنىڭ 201-بابىنا سايكەس وزگە اقپارات جاريا ەتىلمەيدى.

Abai.kz