ۇقك شقو اكىمىنىڭ ءبىرىنشى ورىنباسارىنا قاتىستى سوتقا دەيىنگى تەرگەۋ باستالعانىن حابارلادى.  ءسوز - شىعىس قازاقستان وبلىسى اكىمىنىڭ ءبىرىنشى ورىنباسارى جاقسىلىق ومار تۋرالى بولىپ وتىر.

قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى شىعىس قازاقستان وبلىسى اكىمىنىڭ ءبىرىنشى ورىنباسارى جاقسىلىق ومارعا قاتىستى سوتقا دەيىنگى تەرگەۋ جۇرگىزۋدە. بۇل تۋرالى ۇقك-نىڭ ءباسپاسوز قىزمەتى حابارلادى.

- قازىرگى ۋاقىتتا سوتقا دەيىنگى تەرگەۋ ءجۇرىپ جاتىر. قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ 201-بابىنا سايكەس باسقا اقپاراتتى جاريالاي المايمىز، - دەلىنگەن ۆەدومستۆو حابارلاماسىندا.

بۇعان دەيىن الەۋمەتتىك جەلىلەردە شەنەۋنىكتىڭ ۇستالعانى تۋرالى اقپارات تاراعان. الايدا بۇل مالىمەتتەرگە رەسمي راستاۋ بولعان جوق. قۇقىق قورعاۋ ورگاندارى دا ۇستاۋ جايلى اقپاراتقا قاتىستى پىكىر بىلدىرمەدى.

شىعىس قازاقستان وبلىسى اكىمدىگىندە دە بۇل ماسەلەگە قاتىستى رەسمي دەرەكتەردىڭ جوق ەكەنىن مالىمدەگەن. سونداي-اق سول كەزدە شەنەۋنىكتىڭ دەنساۋلىعىنا بايلانىستى ۋاقىتشا ەڭبەك دەمالىسىندا جۇرگەنى ايتىلعان.

جاقسىلىق ومار 2025 جىلدىڭ قاراشا ايىنىڭ سوڭىندا وسكەمەن قالاسىنىڭ اكىمى قىزمەتىنەن كەتكەن. كەيىن ول شىعىس قازاقستان وبلىسى اكىمىنىڭ ءبىرىنشى ورىنباسارى بولىپ تاعايىندالعان.

اشىق دەرەككوزدەرگە سۇيەنسەك، بۇعان دەيىن ول "قازاقستان" رەسپۋبليكالىق تەلەراديوكورپوراتسياسىندا جۇمىس ىستەگەن، شقو اكىمىنىڭ كومەكشىسى بولعان، ءوڭىردىڭ مادەنيەت باسقارماسىن باسقارعان، سونداي-اق شىعىس قازاقستان جانە الماتى وبلىستارى اكىمىنىڭ ورىنباسارى قىزمەتتەرىن اتقارعان.

Abai.kz