وسىعان دەيىن «باعاناشىل» بالالار ءۇيىنىڭ تاربيەلەنۋشىلەرىن جاڭا عيماراتقا كوشىرۋ ماسەلەسىندە قوعامدىق پىكىرتالاس تۋعانىن جازعان بولاتىنبىز.

بۇگىن قر پرەزيدەنتىنىڭ كەڭەسشىسى جانە ءباسپاسوز حاتشىسى رۋسلان جەلدىباي اتالعان ماسەلەگە قاتىستى مالىمدەمە جاسادى.

«باعاناشىل» بالالار ءۇيىنىڭ تاربيەلەنۋشىلەرىن الماتىدان قوناەۆ قالاسىنا كوشىرۋگە بايلانىستى جاعدايمەن تانىسقان قاسىم-جومارت توقاەۆ الماتى قالاسىنىڭ اكىمى دارحان ساتىبالدىعا وقۋشىلاردىڭ وڭتۇستىك استانادا ءبىلىم الۋىن جالعاستىرۋ ءۇشىن بالالار ۇيىنە جوندەۋ جۇمىستارىن جۇرگىزۋدى جانە اتالعان نىساندى قالانىڭ بالانسىنا الۋدى تاپسىردى.

مەملەكەت باسشىسىنىڭ تاپسىرماسىنا سايكەس، بالالار ءۇيى كوشىرىلمەيدى.

اتالعان جاعدايعا بايلانىستى پرەزيدەنت اكىمشىلىگى قىزمەتتىك تەكسەرىس جۇرگىزەدى.

اتا-اناسىنىڭ قامقورلىعىنسىز قالعان بالالاردىڭ زاڭ شەڭبەرىندەگى بارلىق قۇقىعى تولىق ساقتالادى»، - دەدى رۋسلان جەلدىباي.

Abai.kz