مۇنداي توسىن جاڭالىقتى ەڭبەك جانە حالىقتى الەۋمەتتىك قورعاۋ مينيسترلىگى حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ زەينەتاقى جانە الەۋمەتتىك قامسىزداندىرۋ باسقارماسىنىڭ باسشىسى انەل شەنەەۆا ايتتى.

ونىڭ سوزىنشە، مۇنداي مۇمكىندىك 2024 جىلدىڭ 1 قاڭتارىنان بەرى جۇزەگە اسىپ كەلەدى.

– بۇگىندە قازاقستاندا ەر ادامدار ءۇشىن جالپى بەلگىلەنگەن زەينەتكەرلىك جاس – 63, ايەلدەر ءۇشىن – 61 جاس. سونىمەن قاتار، الەۋمەتتىك كودەكسكە سايكەس، 8 جاسقا دەيىنگى 5 جانە ودان دا كوپ بالا تاربيەلەگەن ايەلدەر 53 جاستا زەينەتكە شىعا الادى. مەملەكەت باسشىسىنىڭ تاپسىرماسىن ورىنداۋ ماقساتىندا 2024 جىلعى 1 قاڭتاردان باستاپ زياندى ەڭبەك جاعدايىندا جۇمىس ىستەيتىن قىزمەتكەرلەردىڭ الەۋمەتتىك قورعاۋىن ارتتىرۋ ماقساتىندا ارنايى الەۋمەتتىك تولەمدەردى تاعايىنداۋ كوزدەلگەن. اتالعان تولەمدى 55 جاسقا تولىپ، كەمىندە 7 جىل مىندەتتى كاسىپتىك زەينەتاقى جارناسىن تولەگەن ازاماتتار الۋعا قۇقىلى. وسىلايشا، بۇل ساناتتاعى جۇمىسشىلاردىڭ زەينەت جاسىنا جەتكەنگە دەيىنگى زياندى جاعدايى بار جۇمىستان شىعۋعا جانە ارنايى الەۋمەتتىك تولەم الۋ قۇقىعى بار، – دەپ ناقتىلاپ ءوتتى انەل شەنەەۆا.

سونىمەن قاتار، مينيسترلىك وكىلى قۇقىق قورعاۋ ورگاندارىنىڭ قىزمەتكەرلەرى دە ەڭبەك وتىلىنە قاراي زەينەتكە ەرتە شىعا الاتىنىن ەسكە سالدى. مۇنى قىزمەتكەر ەڭبەك ءوتىلى بويىنشا جۇمىس ىستەيتىن بولىمگە بايلانىستى ءتيىستى مەملەكەتتىك ورگاندار جۇرگىزەدى.

Abai.kz