اتىراۋ قالاسىنا جاساعان جۇمىس ساپارى اياسىندا قر ەنەرگەتيكا مينيسترلىگى مۇناي-گاز حيمياسى جانە تەحنيكالىق رەتتەۋ دەپارتامەنتىنىڭ ديرەكتورى تەميرلان ۋركۋمباەۆ «Kazakhstan Petrochemical Industries Inc.» (KPI) جشس-ءنىڭ گاز-حيميا كەشەنىنە باردى.

ساپار بارىسىندا تەميرلان ۋركۋمباەۆ كاسىپورىننىڭ نەگىزگى وندىرىستىك نىساندارىمەن تانىستى. ولاردىڭ قاتارىندا پروپان ساقتاۋ پاركى، پروپاندى دەگيدرلەۋ جانە پروپيلەندى پوليمەرلەۋ قوندىرعىلارى، سونداي-اق دايىن ءونىم قويماسى بار. زاۋىت وكىلدەرى تەحنولوگيالىق ۇدەرىس تىزبەگى، وندىرىستىك قاۋىپسىزدىك جۇيەلەرى جانە كاسىپورىندا ەنگىزىلگەن ەكولوگيالىق شارالار تۋرالى جان-جاقتى باياندادى.

KPI ونىمدەرى ىشكى نارىقتا وراۋ ماتەريالدارىن، قۇرىلىس بۇيىمدارىن، توقىما جانە تەحنيكالىق ونىمدەردى وندىرۋدە بەلسەندى قولدانىلادى. 2025 جىلدىڭ العاشقى جارتىجىلدىعىنىڭ قورىتىندىسى بويىنشا پوليپروپيلەن ءوندىرىسى 219 مىڭ توننانى قۇراپ، وتكەن جىلدىڭ سايكەس كەزەڭىمەن سالىستىرعاندا 65%-عا ارتتى.

سونىمەن قاتار KPI باسشىلىعىمەن جۇمىس كەزدەسۋى ءوتتى. وندا وندىرىستىك جوسپارلار، ىشكى نارىقتىڭ قاجەتتىلىكتەرىن قامتاماسىز ەتۋ، ەكسپورتتىق باعىتتار جانە ينۆەستيتسيالىق جوبالاردى ىسكە اسىرۋ ماسەلەلەرى تالقىلاندى.

قازىرگى ۋاقىتتا كەشەندە جوسپارلى-پروفيلاكتيكالىق جوندەۋ جۇمىستارى جۇرگىزىلۋدە. ساپار قورىتىندىسى بويىنشا جوندەۋ جۇمىستارىن بەلگىلەنگەن مەرزىمدە اياقتاۋ تاپسىرىلدى.

Abai.kz