الداعى جىلدارى ەكىباستۇز، كۋرچاتوۆ، جەزقازعان، كوكشەتاۋ، سەمەي جانە وسكەمەن قالالارىندا جاڭا كومىر ەنەرگيا كوزدەرىن سالۋ جوسپارلانىپ وتىر. بۇل تۋرالى ەنەرگەتيكا ءمينيسترى ەرلان اقكەنجەنوۆ قازاقستان كومىر ونەركاسىبىنىڭ VII فورۋمىندا ءمالىم ەتتى.

— ەكىباستۇز، كۋرچاتوۆ، جەزقازعان، كوكشەتاۋ، سەمەي جانە وسكەمەن قالالارىندا جاڭا كومىر ەنەرگيا كوزدەرىن سالۋ جوسپارلانىپ وتىر. بۇل جوبالار ەلەكتر ەنەرگياسىنا ارتىپ كەلە جاتقان سۇرانىستى وتەۋ جانە ءبىرتۇتاس ەلەكتر ەنەرگەتيكالىق جۇيەنىڭ سەنىمدىلىگىن ارتتىرۋ ءۇشىن قاجەت، — دەدى مينيستر.

ونىڭ ايتۋىنشا، ەلەكتر ەنەرگياسىن تۇتىنۋ كولەمىنىڭ ارتۋى، ونەركاسىپ پەن تسيفرلىق ەكونوميكانىڭ دامۋى، سونداي-اق ەنەرگيانى كوپ قاجەت ەتەتىن جاڭا جوبالاردىڭ ىسكە اسىرىلۋى سەنىمدى بازالىق قۋات كوزدەرىنە دەگەن قاجەتتىلىكتى ارتتىرىپ وتىر.

وسىعان بايلانىستى مەملەكەت باسشىسىنىڭ تاپسىرماسىمەن ۇكىمەت 2026–2030 جىلدارعا ارنالعان «كومىر گەنەراتسياسىن دامىتۋ» ۇلتتىق جوباسىن بەكىتتى.

ءمينيستردىڭ سوزىنشە، قۇجات جاڭا ەنەرگەتيكالىق نىساندار سالۋدى، قولدانىستاعى قۋات كوزدەرىن جاڭعىرتۋدى، كەڭەيتۋدى جانە جاڭارتۋدى كوزدەيدى. سونىمەن قاتار ۇلتتىق جوبا اياسىندا كومىرمەن جۇمىس ىستەيتىن ەلەكتر ستانتسيالارىن تۇراقتى وتىنمەن قامتاماسىز ەتۋ تەتىكتەرىن قالىپتاستىرۋعا ەرەكشە كوڭىل بولىنەدى.

ەرلان اقكەنجەنوۆ كومىر ونەركاسىبى ەلىمىز ەكونوميكاسىنىڭ نەگىزگى سالالارىنىڭ ءبىرى ەكەنىن اتاپ ءوتتى. ونىڭ ايتۋىنشا، سالا مەملەكەتتىڭ ەنەرگەتيكالىق قاۋىپسىزدىگىن قامتاماسىز ەتىپ، ونەركاسىپ كاسىپورىندارىنىڭ تۇراقتى جۇمىس ىستەۋىنە جانە مىڭداعان ازاماتتىڭ جۇمىسپەن قامتىلۋىنا مۇمكىندىك بەرىپ وتىر.

سونداي-اق قازىرگى جاعدايدا كومىر سالاسىنىڭ الدىندا ءوندىرىس تيىمدىلىگىن ارتتىرۋ، يننوۆاتسيالىق تەحنولوگيالاردى ەنگىزۋ، وندىرىستىك پروتسەستەردى تسيفرلاندىرۋ، ەكولوگيالىق كورسەتكىشتەردى جاقسارتۋ جانە ونەركاسىپتىك قاۋىپسىزدىكتىڭ جوعارى دەڭگەيىن قامتاماسىز ەتۋ مىندەتى تۇرعانىن ايتتى.

Abai.kz

الداعى جىلدارى ەكىباستۇز، كۋرچاتوۆ، جەزقازعان، كوكشەتاۋ، سەمەي جانە وسكەمەن قالالارىندا جاڭا كومىر ەنەرگيا كوزدەرىن سالۋ جوسپارلانىپ وتىر. بۇل تۋرالى ەنەرگەتيكا ءمينيسترى ەرلان اقكەنجەنوۆ قازاقستان كومىر ونەركاسىبىنىڭ VII فورۋمىندا ءمالىم ەتتى.

— ەكىباستۇز، كۋرچاتوۆ، جەزقازعان، كوكشەتاۋ، سەمەي جانە وسكەمەن قالالارىندا جاڭا كومىر ەنەرگيا كوزدەرىن سالۋ جوسپارلانىپ وتىر. بۇل جوبالار ەلەكتر ەنەرگياسىنا ارتىپ كەلە جاتقان سۇرانىستى وتەۋ جانە ءبىرتۇتاس ەلەكتر ەنەرگەتيكالىق جۇيەنىڭ سەنىمدىلىگىن ارتتىرۋ ءۇشىن قاجەت، — دەدى مينيستر.

ونىڭ ايتۋىنشا، ەلەكتر ەنەرگياسىن تۇتىنۋ كولەمىنىڭ ارتۋى، ونەركاسىپ پەن تسيفرلىق ەكونوميكانىڭ دامۋى، سونداي-اق ەنەرگيانى كوپ قاجەت ەتەتىن جاڭا جوبالاردىڭ ىسكە اسىرىلۋى سەنىمدى بازالىق قۋات كوزدەرىنە دەگەن قاجەتتىلىكتى ارتتىرىپ وتىر.

وسىعان بايلانىستى مەملەكەت باسشىسىنىڭ تاپسىرماسىمەن ۇكىمەت 2026–2030 جىلدارعا ارنالعان «كومىر گەنەراتسياسىن دامىتۋ» ۇلتتىق جوباسىن بەكىتتى.

ءمينيستردىڭ سوزىنشە، قۇجات جاڭا ەنەرگەتيكالىق نىساندار سالۋدى، قولدانىستاعى قۋات كوزدەرىن جاڭعىرتۋدى، كەڭەيتۋدى جانە جاڭارتۋدى كوزدەيدى. سونىمەن قاتار ۇلتتىق جوبا اياسىندا كومىرمەن جۇمىس ىستەيتىن ەلەكتر ستانتسيالارىن تۇراقتى وتىنمەن قامتاماسىز ەتۋ تەتىكتەرىن قالىپتاستىرۋعا ەرەكشە كوڭىل بولىنەدى.

ەرلان اقكەنجەنوۆ كومىر ونەركاسىبى ەلىمىز ەكونوميكاسىنىڭ نەگىزگى سالالارىنىڭ ءبىرى ەكەنىن اتاپ ءوتتى. ونىڭ ايتۋىنشا، سالا مەملەكەتتىڭ ەنەرگەتيكالىق قاۋىپسىزدىگىن قامتاماسىز ەتىپ، ونەركاسىپ كاسىپورىندارىنىڭ تۇراقتى جۇمىس ىستەۋىنە جانە مىڭداعان ازاماتتىڭ جۇمىسپەن قامتىلۋىنا مۇمكىندىك بەرىپ وتىر.

سونداي-اق قازىرگى جاعدايدا كومىر سالاسىنىڭ الدىندا ءوندىرىس تيىمدىلىگىن ارتتىرۋ، يننوۆاتسيالىق تەحنولوگيالاردى ەنگىزۋ، وندىرىستىك پروتسەستەردى تسيفرلاندىرۋ، ەكولوگيالىق كورسەتكىشتەردى جاقسارتۋ جانە ونەركاسىپتىك قاۋىپسىزدىكتىڭ جوعارى دەڭگەيىن قامتاماسىز ەتۋ مىندەتى تۇرعانىن ايتتى.

Abai.kz