2025 جىلدىڭ العاشقى جارتىجىلدىعىندا قازاقستاندىق ۇلتتىق ەلەكتروندى كىتاپحاناسى Kazneb.kz پلاتفورماسىنىڭ دامۋ قارقىنى جاڭا دەڭگەيگە كوتەرىلدى.

ياعني كونتەنت قارالىمىنىڭ سانى 4 076 629-عا جەتىپ، 30% وسسە، پايدالانۋشى 379 312, قاشىقتىقتان 746 056 پايدالانۋشى كىرىپ، 44% ارتتى. سونداي-اق اۆتورلاردىڭ رۇقساتىمەن قۇجاتتاردى جۇكتەۋ سانى 1 ميلليون 600 مىڭنان استى.

جىل باسىنان بەرى ەلەكتروندى بازا 2 758 قۇجاتپەن تولىعىپ، بىلتىر وسى كەزەڭمەن سالىستىرعاندا 6% كوبەيدى. بۇگىنگە دەيىن 114 842 بەت سكانەرلەنىپ، 362 049 بەت رەداكتسيالاندى.

قازاقستاندىق ۇلتتىق ەلەكتروندى كىتاپحانا قورىندا 81 357 قۇجات ساقتالعان، 64 تىلدەگى قۇجاتتارمەن ەركىن تانىسۋ مۇمكىندىگى بار.

قازۇەك – قازاقستاندىق مازمۇنداعى كەڭ كولەمدى اقپاراتتار ۇسىنا الاتىن تۇڭعىش مەملەكەتتىك كىتاپحانالىق پورتال.

كەز كەلگەن پايدالانۋشى ينتەرنەت جەلىسى ارقىلى قازاقستاندىق ۇلتتىق ەلەكتروندى كىتاپحانا پورتالىنا تىركەلۋسىز، ەركىن، اۆتوريزاتسياسىز تولىق ءماتىندى قۇجاتتارمەن تانىسا الادى. قازۇەك الەمنىڭ 110 ەلىنەن پايدالانۋشىلاردىڭ سەنىم ارتىپ، تۇراقتى قولداناتىن پورتالىنا اينالىپ كەلەدى. نەگىزگى ەلدەر قاتارىندا قازاقستان، رەسەي، گەرمانيا، اقش، وزبەكستان، نيدەرلاندى، فرانتسيا، تۇركيا، قىتاي، ۇلىبريتانيا جانە ت.ب. بار.

پورتال كوزى ناشار كورەتىن جاندار ءۇشىن دە قولجەتىمدى.

Abai.kz