كولىك قىزمەتكەرلەرى كۇنى قارساڭىندا پرەمەر-مينيستر ولجاس بەكتەنوۆ سالا ماماندارى مەن ارداگەرلەرىن مەملەكەت باسشىسى قاسىم-جومارت توقاەۆتىڭ اتىنان كاسىبي مەرەكەلەرىمەن قۇتتىقتاپ، مەملەكەتتىك ناگرادالار تابىس ەتتى.

پرەمەر-مينيستر ءوز سوزىندە كولىك-لوگيستيكا سەكتورىنىڭ ەل ەكونوميكاسىن دامىتۋداعى باستى ءرولىن اتاپ ءوتتى.

«مەملەكەت باسشىسى قاسىم-جومارت كەمەلۇلى توقاەۆ ءبىزدىڭ الدىمىزعا كولىك سەكتورىنىڭ الەۋەتىن ارتتىرىپ، قازاقستاندى سەنىمدى ترانزيتتىك حاب رەتىندە دامىتۋ مىندەتىن قويدى. بۇل ورايدا، جولاۋشىلار مەن جۇك تاسىمالىن قاۋىپسىز ءارى ۇزدىكسىز قامتاماسىز ەتىپ وتىرعان كولىك قىزمەتكەرلەرىنىڭ قاجىرلى ەڭبەگى قاشاندا ماڭىزدى. وتاندىق كولىك سالاسى بيىلعى 6 ايدىڭ قورىتىندىسى بويىنشا 22,7% دەڭگەيىندە قارقىندى ءوسىم كورسەتتى. مۇنىڭ بارلىعىندا وزدەرىڭىز سياقتى سالا ماماندارى مەن ارداگەرلەرىنىڭ ماڭداي تەرى، ادال ەڭبەگى جاتىر»، — دەپ اتاپ ءوتتى ولجاس بەكتەنوۆ.

پرەزيدەنتتىڭ تاپسىرماسى بويىنشا جۇزەگە اسىپ جاتقان ينفراقۇرىلىمدى جاڭعىرتۋ، تسيفرلاندىرۋ جانە قازاقستاننىڭ ترانزيتتىك الەۋەتىن ارتتىرۋ بويىنشا اۋقىمدى شارالار اتاپ ءوتىلدى. قازىرگى ۋاقىتتا 13 مىڭ شاقىرىم اۆتوجول جوندەلۋدە، 1,3 مىڭ شاقىرىمنان استام جاڭا تەمىرجول جەلىلەرى، زاماناۋي لوگيستيكالىق حابتار مەن اۋەجايلار سالىنۋدا. 2029 جىلعا قاراي ەل اۋماعى ارقىلى وتەتىن ترانزيتتىك جۇكتەردىڭ كولەمىن 100 ملن تونناعا دەيىن ارتتىرۋ جوسپارلانۋدا.

ترانسكاسپي حالىقارالىق كولىك ءدالىزىن قوسا العاندا، مۋلتيمودالدى مارشرۋتتاردى دامىتۋعا ەرەكشە نازار اۋدارىلۋدا – بۇل جوبانى جۇزەگە اسىرۋ ءۇشىن اقتاۋ جانە قۇرىق پورتتارى جاڭعىرتىلۋدا. سونداي-اق پرەزيدەنتتىڭ تاپسىرماسى بويىنشا بيىل ناۋرىز ايىندا ۇلتتىق قۇرىلتاي وتىرىسىندا استانا – ارقالىق – تورعاي – ىرعىز باعىتى بويىنشا تحكب-عا شىعاتىن «ورتالىق – باتىس» ماگيسترالىنىڭ قۇرىلىسى باستالدى، بۇل ەلدىڭ ورتالىق جانە باتىس وڭىرلەرى اراسىنداعى مارشرۋتتى 560 شاقىرىمعا قىسقارتۋعا مۇمكىندىك بەرەدى.

سونىمەن قاتار اۆياتسيا سالاسىنىڭ دامۋى دا اتاپ ءوتىلدى. ەلىمىزدىڭ تۇگەلدەي دەرلىك اۋەجايىندا «اۋە ەركىندىگىنىڭ» بەسىنشى دارەجەسى بار. ءتۋريزمدى دامىتۋ ماقساتىندا كاتونقاراعاي، زايسان جانە كەندىرلى كۋرورتتىق ايماقتارىندا جاڭا اۋەجايلار سالىنۋدا. الماتى، قىزىلوردا جانە شىمكەنت قالالارىندا جاڭا جولاۋشىلار تەرمينالدارى اشىلدى. ارقالىق اۋەجايىن قالپىنا كەلتىرۋ جۇمىستارى جۇرگىزىلۋدە.

پرەمەر-مينيستر قازاقستاننىڭ كولىك سالاسى تۇتاستاي العاندا جاڭا تسيفرلىق شەشىمدەردى، ونىڭ ىشىندە باسقارۋدىڭ اۆتوماتتاندىرىلعان جۇيەلەرىن، تسيفرلىق ديسپەتچەرلەندىرۋدى ەنگىزۋ ناتيجەسىندە بارعان سايىن تەحنولوگيالىق جانە كليەنتكە باعدارلانعان سيپاتقا يە بوپ كەلە جاتقانان اتاپ ءوتتى.

ولجاس بەكتەنوۆ پرەزيدەنت اتىنان ەڭبەگىمەن كوزگە تۇسكەن قىزمەتكەرلەرگە كولىك سالاسىن دامىتۋعا قوسقان ۇلەسى ءۇشىن مەملەكەتتىك ناگرادالار مەن قۇرمەتتى اتاقتار تابىس ەتتى.

«بيىل جۇمىسشى ماماندىقتارى جىلى اياسىندا مەملەكەتتىك ماراپاتتار جۇيەسىنە العاش رەت “قازاقستاننىڭ كولىك سالاسىنىڭ ەڭبەك سىڭىرگەن قايراتكەرى” دەگەن قۇرمەتتى اتاعى ەنگىزىلدى. مۇنى مەملەكەت باسشىسىنىڭ جانە بۇكىل قازاق ەلىنىڭ وزدەرىڭىز سياقتى ناعىز ەڭبەك ادامدارىنا دەگەن شىنايى قۇرمەتى دەپ قابىلداڭىزدار. بۇگىن ەلىمىزدىڭ باسقا دا وڭىرلەرىندە كولىك سالاسىنىڭ ءوندىرىس وزاتتارى مەن ەڭبەك ارداگەرلەرىن ۇلىقتاۋ ءراسىمى ءوتىپ جاتىر. رەسپۋبليكا بويىنشا 200-گە جۋىق ادامعا مەملەكەتتىك ناگرادالار مەن قۇرمەتتى اتاقتار تابىستالادى. بۇل – ەل يگىلىگى جولىندا ەسەلى ەڭبەك ەتىپ جاتقان وتاندىق كولىك سالاسى قىزمەتكەرلەرىن قولداۋدىڭ ايقىن كورىنىسى»، — دەپ اتاپ ءوتتى ولجاس بەكتەنوۆ.

ماراپاتتالعاندار اتىنان قانات شايمين مەن انۋاربەك شۇلعاۋوۆ ءسوز سويلەدى. كولىك سالاسىنىڭ قىزمەتكەرلەرى پرەزيدەنتكە ريزاشىلىقتارىن ءبىلدىرىپ، ولاردىڭ ەڭبەگىنە بەرىلگەن جوعارى باعا قازاقستان يگىلىگى ءۇشىن ءارى قاراي دا ادال جۇمىس ىستەۋگە ىنتالاندىراتىنىن اتاپ ءوتتى.

«مەملەكەت باسشىسىنا ءبىزدىڭ ەڭبەگىمىزدى مويىنداعانى جانە قۇرمەت كورسەتكەنى ءۇشىن شىن جۇرەكتەن العىس ايتامىز. ەل يگىلىگى ءۇشىن قاجىماي ەڭبەك ەتۋ – ءبىزدىڭ ازاماتتىق بورىشىمىز.

بۇل ماراپات – ءبىز ءۇشىن ۇلكەن قۋانىش. ودان ءارى دە ادال قىزمەت ەتۋگە جاڭاشا جىگەر مەن شابىت بەرەدى. ەڭبەگىمىز حالىق يگىلىگىنە جاراسىن»، — دەدى «قازاقستان تەمىر جولى» ۇك» اق «بۋراباي كۋرورتى رەلس دانەكەرلەۋ كاسىپورنى» فيليالىنىڭ ديرەكتورى انۋاربەك شۇلعاۋوۆ.

ماراپاتتالعاندار:

«پاراسات» وردەنىمەن

• ايدار بەكوۆ – «جاڭا-ارقا – 2006» جشس ديرەكتورى
• اعابەك ايدەنوۆ – «حالىقارالىق الماتى اۋەجايى» اق سانتەحنيكالىق جۇيەلەرىنىڭ ينجەنەرى

«قازاقستاننىڭ كولىك سالاسىنىڭ ەڭبەك سىڭىرگەن قايراتكەرى» قۇرمەتتى اتاعىمەن

• قانات شايمين – «قازاۆتوجولسەرۆيس» جشس باس ديرەكتورىنىڭ كەڭەسشىسى

«قۇرمەت» وردەنىمەن

• تالعات لاستاەۆ – قر كولىك ۆيتسە-ءمينيسترى
• گۇلنار بولەكباەۆا – «قازاقستان تەمىر جولى» ۇك» اق «ماگيسترالدىق جەلى ديرەكتسياسى» فيليالى جول جانە قۇرىلىستار دەپارتامەنتىنىڭ باس مەنەدجەرى
• نۇرداۋلەت بايعازيەۆ – «قتج-جۇك تاسىمالى» جشس «شىمكەنت جۇك تاسىمالى بولىمشەسى» فيليالىنىڭ ديرەكتورى
• ايدار ورجانوۆ – «قازاقتەڭىزكولىكفلوتى» ۇلتتىق تەڭىز كەمە قاتىناسى كومپانياسىنىڭ» جشس باس ديرەكتورى
• ءناسىپباي سماعۇلوۆ – «ابي-استانا» جشس ديرەكتورى
• ولەگ چەكانوۆ – «SCAT» اۋەكومپانياسى» شىمكەنت قالاسىنداعى اۋە كەمەلەرىنە تەحنيكالىق قىزمەت كورسەتۋ جەلىلىك ستانساسىنىڭ باستىعى
• نۇربول ابىزباەۆ – «قازاۆتوجولسەرۆيس» جشس تۇركىستان وبلىستىق فيليالىنىڭ ديرەكتورى
• تالعات بەكبەرگەنوۆ – «قازاۆتوجولسەرۆيس» جشس قاراعاندى وبلىستىق فيليالىنىڭ قارقارالى قالاسى №72 جول پايدالانۋ بەكەتىنىڭ جول جۇمىسشىسى

«ەرەن ەڭبەگى ءۇشىن» مەدالىمەن

• ەۆگەني الشانسكي – «قازاقستان تەمىر جولى» ۇك» اق «پاۆلودار ماگيسترالدىق جەلى بولىمشەسى» فيليالى پاۆلودار سيگناليزاتسيا جانە بايلانىس ديستانتسياسىنىڭ ەلەكترومەحانيگى
• ارعىنقازى سەيىتجان – «قتج-جۇك تاسىمالى» جشس «قاراعاندى جۇك تاسىمالى بولىمشەسى» فيليالىنىڭ قاراعاندى پايدالانۋ لوكوموتيۆ دەپوسىنىڭ جۇك قوزعالىسىنىڭ ەلەكتروۆوز ءماشينيسى
• مۇحتار ىدىرىسوۆ – «قتج-جۇك تاسىمالى» جشس «الماتى جۇك تاسىمالى بولىمشەسى» فيليالىنىڭ اقتوعاي لوكوموتيۆ پايدالانۋ دەپوسىنىڭ تەپلوۆوز ءماشينيسى
• اينۇر سالمەنوۆا – «كاسپي اۆتو پارك» جشس باس ديسپەتچەرى
• يۋري ولەنەۆ – «FlyArystan» اق-نىڭ قاراعاندى قالاسىنداعى اۋەجايدا قىزمەت كورسەتۋ جونىندەگى مەنەدجەرى
• ۆاسيلي ۋستيمەنكو – «وسكەمەن اۋەجايى» اق جەدەل مەديتسينالىق كومەككە، اۋەايلاققا قىزمەت كورسەتۋ جانە شارۋاشىلىقپەن قامتۋ جونىندەگى كەشەندى كولونناسىنىڭ تراكتورلى تەحنيكا ءماشينيسى
• الەكساندر ەرشوۆ – «Air Astana» اق-نىڭ اۋە كەمەلەرىنە جەدەل تەحنيكالىق قىزمەت كورسەتۋ جونىندەگى اعا ينجەنەرى (الماتى قالاسى)
• يگور كارلين – «حالىقارالىق الماتى اۋەجايى» اق جىلىتۋ، جەلدەتۋ جانە اۋانى باپتاۋ جۇيەسىنىڭ جەتەكشى ينجەنەرى
• جۇماباي قۇلتانوۆ – اۆتوجول سالاسىنىڭ ارداگەرى، «قازاۆتوجولسەرۆيس» جشس قىزىلوردا وبلىستىق فيليالىنىڭ №51 جول پايدالانۋ بەكەتىنىڭ جول جۇمىسشىسى
• جانات ءجۇسىپوۆ – «قازاۆتوجولسەرۆيس» جشس كوكشەتاۋ قالاسى فيليلالىنىڭ №5 جول-پايدالانۋ ۋچاسكەسىنىڭ باسشىسى
• ەرجان بايجان – «قازاۆتوجولسەرۆيس» جشس قاراعاندى وبلىستىق فيليالىنىڭ اقسۋ-ايۋلى كەنتىندەگى №77 جول-پايدالانۋ ۋچاسكەسىنىڭ تاڭبالاۋ اۆتوكولىگىنىڭ وپەراتورى
• انۋاربەك شۇلعاۋوۆ – «قازاقستان تەمىر جولى» ۇك» اق «بۋراباي كۋرورتى رەلس دانەكەرلەۋ كاسىپورنى» فيليالىنىڭ ديرەكتورى
• اسقار شوكۋلباەۆ – «قازاقستان تەمىر جولى» ۇك» اق «تەمىر جول كولىگى پەرسونالىن باعالاۋ جانە دامىتۋ ورتالىعىنىڭ» وندىرىستىك وقىتۋ شەبەرى
• يۋري كاشكاروۆ – «قازاقستان تەمىر جولى» ۇك» اق «جول دياگنوستيكالىق ورتالىعى» استانا فيليالىنىڭ №70156 (118) ءموبيلدى-دياگنوستيكالىق كەشەنىنىڭ قاداعالاۋ-ولشەۋ ۆاگوندارىنىڭ باپتاۋشىسى.

Abai.kz