قر مادەنيەت جانە اقپارات مينيسترلىگى مەن قر ەڭبەك جانە حالىقتى الەۋمەتتىك قورعاۋ مينيسترلىگىنىڭ قولداۋىمەن «مەديا دامىتۋ قورى» كورپوراتيۆتىك قورى 2025 جىلعى 1 تامىزدان باستاپ جۇمىسشى ماماندىقتار جىلىنا ارنالعان بايقاۋعا وتىنىمدەر قابىلداۋدى باستادى.

بايقاۋدىڭ باستى ماقساتى – ادال ەڭبەگىمەن ەلگە ۇلگى بولعان ازاماتتاردى تانىتۋ، جۇمىسشى ماماندىق يەلەرى مەن ولاردىڭ قىزمەتىن تانىمال ەتۋ، ەڭبەكقورلىق، ادالدىق پەن كاسىبيلىك قۇندىلىقتارىن دارىپتەۋ.

بايقاۋعا جۋرناليستەر، بلوگەرلەر، كونتەنت-مەيكەرلەر، ۆيدەوگرافتار، موبيلوگرافتار، فوتوتىلشىلەر، تەلە-راديو قىزمەتكەرلەرى، باق رەداكتسيالارى مەن شىعارماشىلىق ۇجىمدار مىنا نوميناتسيالار بويىنشا قاتىسا الادى:

• ۇزدىك بەينەروليك («ەڭبەك ادامىنىڭ بەينەسى»)
• ۇزدىك تەلەسيۋجەت (ەڭبەكقورلىق پەن كاسىپقويلىق قۇندىلىقتارىن ىلگەرىلەتۋ)
• ۇزدىك فوتورەپورتاج (شەبەردىڭ ءبىر كۇنى)
• ۇزدىك راديو سۇحبات (ەڭبەك ادامىمەن سۇحبات)
• ۇزدىك پۋبليتسيستيكالىق ماقالا (ەڭبەك اۋلەتىنىڭ جەتىستىگى تاريحى).

ءاربىر نوميناتسيا بويىنشا 3 جەڭىمپاز انىقتالادى.

ءوتىنىم 2025 جىلعى 15 قىركۇيەككە دەيىن www.mdq.kz سايتىندا قابىلدانادى

Abai.kz