كوممۋنالدىق قىزمەتتەر ءتاريفى كەلەسى جىلى 20-30 پايىزعا كوتەرىلەدى. بۇل تۋرالى ۇكىمەت ۇيىندە ءوتىپ جاتقان ءباسپاسوز ءماسليحاتىندا ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ توراعاسى تيمۋر قوسىمباەۆ ايتتى.

— تاريفتەردىڭ وزگەرۋىنە كەلەر بولساق، بۇل رەتتە ۇلتتىق جوبادا (ەنەرگەتيكا جانە كوممۋنالدىق سەكتورلاردى جاڭعىرتۋ ۇلتتىق جوباسى) سۋبسيديالاۋ تەتىگى قاراستىرىلعان. ياعني، زاەم قاراجاتى تاريف، نەگىزگى قارىز جانە سىياقى بويىنشا پايىزدىق مولشەرلەمە ىشىندە بولادى. بىراق، تاريفكە قىسىمدى تومەندەتۋ ءۇشىن رەسپۋبليكالىق بيۋدجەت سۋبسيدياسى سىياقى ۇستەمەسىنىڭ ءبىر بولىگىن جابادى. ياعني، سىياقىنىڭ 10 پايىزى تاريفكە قوسىلادى، ال ودان ارتىعى مەملەكەت تاراپىنان سۋبسيديالانادى. وسىلايشا، ءبىز ءتاريفتىڭ كۇرت ارتۋىنا جول بەرمەيمىز. جالپى، كەلەسى جىلعا جوسپار — بۇل تاريفتەردىڭ 20-30 پايىز شەگىندە ءوسۋى، — دەدى كوميتەت باسشىسى.

سونداي-اق ول كوممۋنالدىق شارۋاشىلىق سالاسىنداعى جوبالاردى قارجىلاندىرۋعا ەكىنشى دەڭگەيلى بانكتەر، «بايتەرەك» جانە قازاقستان دامۋ بانكى تارتىلاتىنىن ايتتى.

بۇعان دەيىن دە پرەمەر-ءمينيستردىڭ ءبىرىنشى ورىنباسارى رومان سكليار تاريفتەردىڭ كوتەرىلەتىندىگىن جاسىرماعان ەدى.

Abai.kz