قازاقستاندا تۇرعىن ءۇيدى مىندەتتى ساقتاندىرۋ جۇيەسى ەنگىزىلۋى مۇمكىن.

بۇل تۋرالى پرەمەر-ءمينيستردىڭ ورىنباسارى قانات بوزىمباەۆ ۇكىمەتتە ءوتىپ جاتقان ءباسپاسوز ءماسليحاتىندا مالىمدەدى.

ايتۋىنشا، قازىرگى ۋاقىتتا دايىندىق جۇمىستارى جۇرگىزىلىپ جاتىر.

قازىرگى ۋاقىتتا ءبىز ۆەدومستۆولىق مينيسترلىكپەن جۇمىس ىستەپ جاتىرمىز. مەملەكەتتىك ساقتاندىرۋ كومپانياسى قۇرىلادى. بيۋدجەتتەگى رەتتەۋشى – قارجى نارىعىن رەتتەۋ جانە دامىتۋ اگەنتتىگى، - دەپ ءتۇسىندىردى ۆيتسە-پرەمەر.

ال بولجالدى مولشەرلەمەلەر تۋرالى ايتۋعا ءالى ەرتە.

ويتكەنى ءبىز ءالى جىلجىمايتىن مۇلىكتىڭ قۇنىن باعالاۋىمىز كەرەك. ساقتاندىرۋ جارناسى بويىنشا الىستاعى اۋىلداعى ءۇي مەن الماتى نەمەسە استاناداعى ءزاۋلىم ۆيللانى ياكي كوتتەدجدى سالىستىرۋعا كەلمەيتىنى ءسوزسىز. سوندىقتان ءتۇرلى مولشەرلەمە بولاتىنى تۇسىنىكتى، - دەدى قانات بوزىمباەۆ.

ايتا كەتەرلىگى، مەملەكەتتە اپاتتى رەزەرۆ بولعانىمەن، اۋقىمدى ەسكەرۋ كەرەك. سپيكەردىڭ سوزىنشە، تۇرعىن ءۇيدى ساقتاندىرۋ نورماسى كەلەسى جىلى ەنگىزىلۋى ابدەن مۇمكىن. ول تابيعي اپاتتار ورىن الۋ ىقتيمالدىلىعى جوعارى ءوڭىر تۇرعىندارى ءۇشىن مىندەتتى بولادى.

Abai.kz