مەملەكەتتىك كىرىستەر كوميتەتىنىڭ جەكە تۇلعالاردىڭ كىرىستەرىن اكىمشىلەندىرۋ باسقارماسىنىڭ باسشىسى دينا قۇساينوۆانىڭ ايتۋىنشا، بەلگىلى ءبىر سوماعا مۇلىك ساتىپ الۋ دەكلاراتسيا تاپسىرۋ مىندەتىن تۋدىرادى، دەپ جازادى Digital Business. بۇل سوما – 78 ملن تەڭگە.

— ەگەر جىل ىشىندە پاتەر ساتىپ الىپ، كەيىن ونى قىمباتىراق باعاعا ساتىپ جىبەرسەڭىز بۇل مۇلىكتىك تابىس بولىپ سانالادى جانە ول بويىنشا سالىقتى ءوزىڭىز تولەۋگە ءتيىسسىز. بۇل بۇرىننان بار، قولدانىستاعى نورما. ال ءبىز ايتىپ وتىرعان جاڭاشىلدىق مىناداي: جىل ىشىندە قۇنى 20 000 اەك-تەن (شامامەن 78 ملن تەڭگە) اساتىن مۇلىك ساتىپ الاتىن تۇلعالار دا كىرىستەر مەن مۇلىك تۋرالى دەكلاراتسيا تاپسىرۋعا مىندەتتى بولادى. قانداي مۇلىك تۋرالى ءسوز بولىپ وتىر؟ بۇل جىلجىمايتىن مۇلىك، مەحانيكالىق كولىك قۇرالدارى، جارعىلىق كاپيتالداعى ۇلەس. مىسالى، ەگەر ءسىز وتكەن جىلى پاتەر، كولىك ساتىپ الساڭىز جانە ولاردىڭ جالپى قۇنى 20 000 اەك-تەن اسىپ كەتسە، وندا ءسىز مىندەتتى تۇردە دەكلاراتسيا تاپسىرىپ، سول مۇلىكتى ساتىپ الۋ كوزدەرىن كورسەتۋىڭىز كەرەك، — دەپ ءتۇسىندىردى دينا قۇساينوۆا.

Abai.kz