پەريزات قايرات پەن ونىڭ اناسى عايني الاشباەۆانىڭ ادۆوكاتى ەلوردالىق سوتقا اپەللياتسيالىق شاعىم ءتۇسىردى، دەپ حابارلايدى "ادىرنا" ۇلتتىق پورتالى.

بۇعان دەيىن ولار Biz Birgemiz Qazaqstan 2030 قوعامدىق بىرلەستىگى ارقىلى جينالعان 3,5 ملرد تەڭگەنى جىمقىردى جانە قىلمىستىق جولمەن الىنعان تابىستى زاڭداستىردى دەپ ايىپتالعان بولاتىن.

ادۆوكاتتىڭ ايتۋىنشا، شاعىمدا سوت ۇكىمىن جويۋ جانە قورعاۋىنداعى ادامداردى قىلمىس قۇرامىنىڭ بولماۋىنا بايلانىستى اقتاۋ تالاپ ەتىلگەن.

25 شىلدەدە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى پەريزات قايراتتى ورتاشا قاۋىپسىزدىك كولونياسىندا 10 جىلعا باس بوستاندىعىنان ايىرۋعا، «شاپاعات» مەدالىنەن ايىرۋعا جانە ون جىلعا قايىرىمدىلىقپەن اينالىسۋىنا تىيىم سالۋعا شەشىم شىعاردى. اناسى عايني الاشباەۆا 7 جىلعا سوتتالدى جانە وعان دا وسىنداي تىيىم سالىندى.

قازىرگى تاڭدا اپەللياتسيانىڭ قاشان قارالاتىنى بەلگىسىز. ۇكىم ءالى زاڭدى كۇشىنە ەنگەن جوق.

Abai.kz