4–21 تامىز ارالىعىندا سپورتشىلارىمىز پاراليمپيادالىق جاتتىعۋ ورتالىعىندا وقۋ-جاتتىعۋ جيىنىن وتكىزۋدە. ۇلتتىق قۇراما ساپىنداعى 16 سپورتشى ارنايى شاقىرىلعان شەتەلدىك مامان — تايلاند قۇراماسىنىڭ باس باپكەرى Surmit Kotsila-مەن تاجىريبە الماسىپ، شەبەرلىگىن شىڭداپ جاتىر.

حالىقارالىق تۋرنير 20–28 تامىز ارالىعىندا جاقسىلىق ۇشكەمپىروۆ اتىنداعى جەكپە-جەك سارايىندا وتەدى. بۇل جولى قازاقستان نامىسىن 10 سپورتشى قورعايدى.

سۋرەت: bocciakazakhstan.kz سايتىنان الىندى.

ايتا كەتەيىك، جارىسقا 12 ەلدەن 60-قا جۋىق سپورتشى قاتىسادى. باعدارلامادا جەكەلەي، جۇپتىق جانە كوماندالىق سايىستار قاراستىرىلعان.

بۇل تۋرنير — 2028 جىلعى لوس-اندجەلەس پاراليمپياداسىنا ىرىكتەۋ كەزەڭى ءارى سپورتشىلار ءۇشىن رەيتينگتىك ۇپاي جيناۋعا مۇمكىندىك بەرەتىن ماڭىزدى جارىس.

بوچچا ەلىمىزدە 2018 جىلى تىرەك-قيمىل جۇيەسى بۇزىلعان بالالاردىڭ اتا-انالارىنىڭ باستاماسىمەن دامي باستادى. 2021 جىلى قازاقستان بوچچا فەدەراتسياسى قۇرىلىپ، سپورت رەسمي دەڭگەيگە كوتەرىلدى.

كەلىڭىزدەر، جەرلەستەرىمىزگە قولداۋ كورسەتەيىك!

Abai.kz