اقوردادا پرەزيدەنت قاسىم-جومارت توقاەۆتىڭ توراعالىعىمەن ۇلتتىق ەكونوميكا جانە بيۋدجەتتى جوسپارلاۋ ماسەلەلەرى جونىندەگى جيىن ءوتتى.

ءىس-شاراعا پرەمەر-مينيستر ولجاس بەكتەنوۆ، پرەزيدەنت اكىمشىلىگىنىڭ باسشىسى ايبەك دادەباي، ۇلتتىق بانك توراعاسى تيمۋر سۇلەيمەنوۆ، جوعارى اۋديتورلىق پالاتا توراعاسى ءاليحان سمايىلوۆ، پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين جانە باسقا دا لاۋازىمدى تۇلعالار قاتىستى.

ۇلتتىق ەكونوميكانىڭ قازىرگى جاي-كۇيى مەن دامۋ پەرسپەكتيۆاسى، سونداي-اق 2026-2028 جىلدارعا ارنالعان رەسپۋبليكالىق بيۋدجەتتىڭ پارامەترلەرى تۋرالى باياندامالار جاسالدى.

تالقىلاۋ بارىسىندا مەملەكەت باسشىسى رەسپۋبليكالىق جانە جەرگىلىكتى دەڭگەيدە قارجىنى ءتيىمدى جوسپارلاۋ مەن ءبولۋدىڭ ماڭىزى زور ەكەنىن اتاپ ءوتتى.

پرەزيدەنت بيۋدجەتتىڭ تەڭگەرىمدىلىگىن قامتاماسىز ەتۋگە، بارلىق الەۋمەتتىك مىندەتتەمەلەر مەن وڭىرلەردىڭ ۇزاقمەرزىمدى جوسپارلارىن قارجىلاندىرۋعا، سونىمەن قاتار قاراجاتتى ماقساتقا ساي بولۋگە جانە يگەرۋگە باسا نازار اۋدارۋ قاجەت دەپ سانايدى.

Abai.kz