2025 جىلى 22 تامىزدا ساعات 15.00-دە قر ءپىب پرەزيدەنتتىك ورتالىعىندا قازاقستان رەسپۋبليكاسى كونستيتۋتسياسىنىڭ 30 جىلدىعىنا ارنالعان «جاڭعىرعان كونستيتۋتسيا – ادىلەتتى قوعام كەپىلى» اتتى كورمەنىڭ اشىلۋى وتەدى. كورمە قر كونستيتۋتسيالىق سوتىمەن بىرلەسىپ ۇيىمداستىرىلدى.

كورمەدە قازاقستان رەسپۋبليكاسىنداعى كونستيتۋتسيوناليزمنىڭ دامۋ ەۆوليۋتسياسىن كورسەتەتىن مۋزەي، ارحيۆ جانە كىتاپحانا قورلارىنىڭ ماتەريالدارى، ەكسپوناتتارى، قۇجاتتارى ۇسىنىلعان.

كورمە 3 بولىمنەن تۇرادى.

1. «دالا زاڭدارى – دانالىق باستاۋى» ءبولىمى.
2. «اتا زاڭ – تاۋەلسىزدىك تۇعىرى» ءبولىمى.
3. «زاماناۋي كونستيتۋتسيا – جاڭعىرۋلار نەگىزى» ءبولىمى.

قر كونستيتۋتسيالىق سوتىنىڭ استانا قالاسىنداعى ەقىۇ باعدارلامالار كەڭسەسىمەن بىرلەسىپ شىعارعان اتا زاڭنىڭ برايل قارپىندە قازاق، ورىس تىلدەرىندەگى باسىلىمدارى – كورمەنىڭ ەرەكشە جادىگەرلەرى بولىپ تابىلادى.

بيىلعى جىلى كونستيتۋتسيانىڭ 30 جىلدىق مەرەيتويىنا وراي الپينيست جانە مادەنيەت قايراتكەرى قايىربەك الىبەك اتا زاڭنىڭ ءماتىنىن گيمالاي تاۋىنداعى ايلەند-پيك شىڭىنا (6180 م) الىپ شىققان بولاتىن. قازاقستاندىقتاردىڭ اتا زاڭعا كورسەتكەن قۇرمەتىنىڭ بەلگىسى بولىپ تابىلاتىن وسى تاريحي ءسات بەينەلەنگەن فوتوسۋرەتتى تە كورمە ەكسپوزيتسياسىنان كورۋگە بولادى.

كورمەنىڭ سالتاناتتى اشىلۋىنا قر كونستيتۋتسيالىق سوتى، ادام قۇقىقتارى جونىندەگى ۇلتتىق ورتالىق، قر ورتالىق سايلاۋ كوميسسياسى،
قر زاڭناما جانە قۇقىقتىق اقپارات ينستيتۋت، قر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتى، مەملەكەت تاريحى ينستيتۋتى، قر باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنىڭ وكىلدەرى، مەملەكەت جانە قوعام قايراتكەرلەرى، قازاقستان رەسپۋبليكاسىنداعى ادام قۇقىقتارى جونىندەگى ۋاكىل لاستاەۆ ا.ە.،
قر كونستيتۋتسياسىنا وزگەرىستەر مەن تولىقتىرۋلار ەنگىزۋ جونىندەگى جۇمىس توبىنىڭ مۇشەسى ۋدارتسەۆ س.ف. جانە ت.ب. بەلگىلى عالىمدار، ءبىلىم جانە مادەنيەت سالاسىنىڭ قىزمەتكەرلەرى قاتىسادى.

Abai.kz