2025 جىلدىڭ 16 تامىزىندا ورال قالاسىندا العاش رەت حالىقارالىق «AUYL FEST. وۆتسەۆودستۆو – 2025» فەستيۆالى ءوتتى. بۇل شارا قازاقستاندىق اگرارلىق سالا تاريحىنداعى ايتۋلى وقيعاعا اينالدى. وعان قىتاي، فرانتسيا، يران، ۆەنگريا، رەسەي جانە قازاقستاننان 1000-عا جۋىق دەلەگاتتار مەن ماماندار قاتىستى.

فەستيۆالدىڭ باتىس قازاقستاندا ءوتۋى تەگىن ەمەس. سەبەبى، ءدال وسى وڭىردە 1935 جىلى بۇكىل الەمگە بەلگىلى ەدىلباي قويى وسىرىلگەن بولاتىن. بۇل تۇقىم ەتى مەن مايىنىڭ مولدىعىمەن ەرەكشەلەنەدى، سونىمەن قاتار توزىمدىلىگىمەن دە قۇندى. سوندىقتان دا ورال قوي شارۋاشىلىعىنىڭ ورتالىعى رەتىندە تاڭدالدى.

فەستيۆال اياسىندا، بىرنەشە باعىت قامتىلدى:

- عىلىمي-پراكتيكالىق كونفەرەنتسيالار مەن پىكىرتالاستار;

- اسىل تۇقىمدى قويلاردىڭ كورمەسى;

- تازى مەن توبەت كورمەسى، ۇلتتىق سپورت سايىستارى;

- قوي جۇنىنەن جاسالعان ءسان كورسەتىلىمى;

- اۋىل شارۋاشىلىعىنا ارنالعان جاڭا تەحنولوگيالار تانىستىرىلىمى.

بۇل شارا اۋىل شارۋاشىلىعى سالاسىنىڭ پروبلەمالارى مەن بولاشاعىن تالقىلاۋعا مۇمكىندىك بەردى.

«اۋىل» پارتياسىنىڭ توراعاسى، قر پارلامەنتىنىڭ ءماجىلىس  دەپۋتاتى سەرىك ەگىزباەۆ ءوز سوزىندە: «اۋىلدىڭ دامۋىنسىز ەلدىڭ دامۋى بولمايدى. قوي شارۋاشىلىعى – اۋىل مەن حالىقتىڭ ءال-اۋقاتىنىڭ كەپىلى. بۇل سالاعا زاڭنامالىق ءارى جۇيەلى قولداۋ قاجەت»، – دەدى.

قازىرگى تاڭدا،  قازاقستاندا 20 ميلليوننان استام قوي باسى بار. ولاردىڭ ەڭ كوپ وسىرىلەتىن ايماقتارى – تۇركىستان، جامبىل، الماتى جانە جەتىسۋ وبلىستارى. ۇكىمەت 2024 جىلى پلەمشارۋاشىلىقتى قولداۋعا 15,3 ملرد تەڭگە بولگەن.

ساراپشىلاردىڭ ايتۋىنشا، الداعى ونجىلدىقتا قوي شارۋاشىلىعى مىناداي ماقساتتاردى كوزدەيدى:

- مال سانىن 25 ميلليونعا جەتكىزۋ;

- جىلىنا 250 مىڭ توننا قوي ەتىن ءوندىرۋ;

- شامامەن 30 مىڭ توننا بارانينا ەكسپورتتاۋ;

- ءجۇن مەن تەرىنى تەرەڭ وڭدەپ، شەتەل نارىعىنا شىعارۋ.

فەستيۆال بارىسىندا سالاعا سەرپىن بەرەتىن بىرنەشە ۇسىنىس ايتىلدى:

- مالعا ارنالعان RFID-مەتكا ارقىلى تسيفرلىق ەسەپكە الۋ;

- كووپەراتيۆتەردى دامىتۋ;

- جاڭا ەكسپورتتىق باعدارلاما – «KazSheep Export» ىسكە قوسۋ.

«AUYL FEST. وۆتسەۆودستۆو – 2025» فەستيۆالى ءداستۇر مەن يننوۆاتسيانى توعىستىرعان ماڭىزى زور الاڭعا اينالدى.  قازاقستاندا قوي شارۋاشىلىعىنىڭ بولاشاعى بار ەكەندىگى تاعى ءبىر مارتە دالەلدەندى. بۇل باعىتتاعى جۇيەلى جۇمىس اۋىلدىڭ دا، ەلدىڭ دە الەۋمەتتىك-ەكونوميكالىق دامۋىنا ۇلەس قوسپاق.

«اۋىل» پارتياسى اباي وبلىسى بويىنشا وڭىرلىك فيليال ءباسپاسوز قىزمەتى

Abai.kz