2025 جىلدىڭ قاڭتار-شىلدە ايلارىندا قازاقستاندا نەگىزگى كاپيتالعا سالىنعان ينۆەستيتسيالار 9,9 ترلن تەڭگەگە جەتىپ، بىلتىرعى جىلمەن سالىستىرعاندا 16,1% ارتتى.

ەڭ جوعارى ءوسىم تىركەلگەن وڭىرلەر: اقتوبە وبلىسى (+52,7%), اقمولا وبلىسى (+44,7%), استانا (+42,1%), تۇركىستان وبلىسى (+33,8%), دەپ جازادى inbusiness.kz سايتى naryk.kz پورتالىنا سىلتەمە جاساپ.

ال مۇناي-گاز وڭىرلەرىندە تومەندەۋ بايقالدى – اتىراۋ (-30,1%) جانە اباي وبلىسى (-7,2%).

وزگە سالالار بويىنشا:

• ونەركاسىپ – 37,5% (3,7 ترلن تەڭگە);
• جىلجىمايتىن مۇلىك – 19,6% (1,94 ترلن تەڭگە);
• كولىك جانە لوگيستيكا – 17,5% (1,74 ترلن تەڭگە);
• ءبىلىم بەرۋ – 7,4% (731 ملرد تەڭگە).

ينۆەستيتسيانىڭ باسىم بولىگى قۇرىلىس-مونتاج جۇمىستارىنا (67,7%) جانە جابدىق پەن كولىك ساتىپ الۋعا (27,8%) باعىتتالدى.

قارجىلاندىرۋ كوزدەرى بويىنشا:

• كومپانيالاردىڭ ءوز قاراجاتى – 64% (6,35 ترلن تەڭگە);
• مەملەكەتتىك بيۋدجەت – 22,4% (2,22 ترلن تەڭگە), ءوسىم شامامەن 48%;
• بانك نەسيەسى – 3,5%;
• وزگە قارىز قاراجاتتارى – 10,1%.

استانا مەن الماتى بارلىق ينۆەستيتسيانىڭ 22%-دان استامىن تارتىپ وتىر. بۇل قۇرىلىس پەن جىلجىمايتىن مۇلىككە سۇرانىستىڭ جوعارى ەكەنىن كورسەتەدى.

2025 جىلدىڭ قورىتىندىسىندا جالپى ينۆەستيتسيا كولەمى 17 ترلن تەڭگەدەن اسادى دەپ كۇتىلۋدە.

باسىمدىق ونەركاسىپ، جىلجىمايتىن مۇلىك پەن كولىك سالاسىندا قالا بەرمەك، ال وڭىرلەر اراسىنداعى تەڭسىزدىك ساقتالادى.

قازاقستان ەكونوميكاسى قۇرىلىس، ءبىلىم بەرۋ جانە لوگيستيكا ەسەبىنەن جاندانىپ كەلەدى، الايدا مۇناي-گازى بار وڭىرلەر وز پوزيتسيالارىن جوعالتىپ جاتىر.

Abai.kz