بۇل قىزمەتكە ولگا ستەفانيشينا تاعايىندالدى.

2025 جىلعى 27 تامىزدا ۋكراينا پرەزيدەنتى ۆلاديمير زەلەنسكي اقش-تاعى جاڭا ەلشىنى تاعايىنداۋ تۋرالى جارلىققا قول قويدى.

بۇعان دەيىن ول ۋكراينا ۆيتسە-پرەمەرى جانە ادىلەت ءمينيسترى قىزمەتتەرىن اتقارعان. قۇجات مەملەكەت باسشىسىنىڭ رەسمي سايتىندا جاريالاندى.

زەلەنسكيدىڭ ايتۋىنشا، ول ستەفانيشينامەن اڭگىمەلەسۋ بارىسىندا ەلشىلىكتىڭ جۇمىسىن جاڭعىرتۋ جانە اقش پرەزيدەنتى دونالد ترامپپەن جاسالعان بارلىق كەلىسىمدەردى جۇزەگە اسىرۋ مىندەتتەرىن ايقىنداعان. اسىرەسە، قورعانىس سالاسىنداعى كەلىسىمدەرگە باسىمدىق بەرىلمەك. بۇل تۋرالى ول ءوزىنىڭ Telegram-ارناسىندا جازدى.

"ۋكراينانىڭ قاۋىپسىزدىگىن ۇزاق مەرزىمدى قامتاماسىز ەتۋ كوبىنە اقش-پەن قارىم-قاتىناسقا بايلانىستى", – دەپ اتاپ ءوتتى زەلەنسكي.

سونداي-اق، زەلەنسكي 2021 جىلدان بەرى اقش-تا ەلشى قىزمەتىن اتقارعان وكسانا ماركاروۆاعا العىسىن ءبىلدىردى.

Abai.kz