سايلاۋ تۋرالى كونستيتۋتسيالىق زاڭعا وزگەرىستەر ەنگىزىلەدى، دەپ جازادى qaz365.kz سايتى.

بۇگىن ءماجىلىستىڭ جالپى وتىرىسىندا دەپۋتاتتار «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن جۇمىسقا قابىلدادى.

ءماجىلىس وسى قۇجاتپەن بايلانىستى ەكى زاڭ جوباسى بويىنشا قورىتىندى ازىرلەيدى.

ونىڭ ءبىرى – «كەيبىر زاڭنامالىق اكتىلەرگە سايلاۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بولسا، ەكىنشىسى – «اكىمشىلىك قۇقىق بۇزۋشىلىق تۋرالى كودەكسكە تۇزەتۋلەر ەنگىزۋ تۋرالى» زاڭ جوباسى.

دەپۋتات سنەجاننا يماشەۆانىڭ ايتۋىنشا، بۇل باستامالار پرەزيدەنتتىڭ تاپسىرماسىنا سايكەس ازىرلەنىپ، ەلەكتورالدىق تاجىريبەنى ەسكەرىپ جاسالعان.

«كونستيتۋتسيالىق زاڭ جوباسىنىڭ نەگىزگى ماقساتتارى: ءماجىلىس دەپۋتاتتىعىنا ءبىر كانديداتتى ءبىر سايلاۋ وكرۋگىنەن ارتىق سايلاۋ وكرۋگىندە ۇسىنۋعا تىيىم سالۋ، ءبىر ادامدى ءبىر مەزگىلدە ءماجىلىس پەن ءماسليحاتتىڭ ءبىر مانداتتى وكرۋگتەرى بويىنشا دا ۇسىنۋعا تىيىم سالۋ، اكىمگە كانديداتتىڭ سايلاۋ قورىن قۇرۋ، پرەزيدەنتتىككە، دەپۋتاتتىققا، اكىمگە، سايلاۋ كوميسسياسى مۇشەسىنە كانديداتتارعا اۋىر جانە اسا اۋىر قىلمىستار بويىنشا سوتتىلىعىنىڭ بولماۋى بويىنشا تالاپتاردى كۇشەيتۋ، ۇگىت-ناسيحات ماسەلەلەرىن جانە تاعى باسقا ماسەلەلەردى رەتتەۋگە باعىتتالعان. ىلەسپە زاڭ جوبالارى دا سايلاۋ وتكىزۋ راسىمدەرىن جەتىلدىرۋگە، سايلاۋ زاڭناماسىنىڭ نورمالارىن ساقتاماعانى ءۇشىن اكىمشىلىك جاۋاپكەرشىلىگىن ەنگىزۋگە باعىتتالعان»، – دەدى دەپۋتات.

Abai.kz