اقتوعاي اۋدانىنىڭ نۇركەن اۋىلدىق وكرۋگىندە مودۋلدىك ۆەتەرينارلىق پۋنكت جۇمىس ىستەي باستادى.

ول قازاقستان رەسپۋبليكاسىنىڭ اگروونەركاسىپتىك كەشەنىن دامىتۋدىڭ 2021–2030 جىلدارعا ارنالعان تۇجىرىمداماسى اياسىندا سالىنعان. بۇل باعدارلامامەن ءوڭىردىڭ 12 ەلدى مەكەنى قامتىلعان.

ۆەتەريناريالىق پۋنكت پروفيلاكتيكانى، ۆاكتسيناتسيانى، ەمدەۋدى، سونداي-اق ءۇي جانە اۋىل شارۋاشىلىعى جانۋارلارىن جوسپارلى تەكسەرۋدى قامتيتىن ەپيزووتيالىق سالاۋاتتىلىقتى قامتاماسىز ەتۋگە ارنالعان.

– قر كونستيتۋتسيا كۇنى قارساڭىندا نۇركەن اۋىلىنىڭ تۇرعىندارى ءۇشىن وسىنداي ماڭىزدى جانە كوپتەن كۇتكەن وقيعا بولدى – ۆەتەرينارلىق پۋنكت اشىلدى. زاماناۋي، قاجەتتى جابدىقتارمەن جابدىقتالعان نىساندار اۋىل تۇرعىندارىنا ساپالى ۆەتەرينارلىق كومەك الۋعا جانە مال شارۋاشىلىعى ونىمدەرىنىڭ قاۋىپسىزدىگىن قامتاماسىز ەتۋگە مۇمكىندىك بەرەدى، – دەپ اتاپ ءوتتى قاراعاندى وبلىسى ۆەتەريناريا باسقارماسىنىڭ باسشىسى اماندىق جاكەتاەۆ.

2024–2025 جىلدارى ءوڭىردىڭ ۆەتەرينارلىق ستانتسيالارى ءۇشىن وتىمدىلىگى جوعارى 78 اۆتوموبيل، ءدارى-دارمەكتەردى ساقتاۋعا ارنالعان توڭازىتقىشتار ساتىپ الىندى.

Abai.kz