ساداق اتۋدان الەم چەمپيوناتىندا تاريحي جۇلدە جەڭىپ العان قازاقستان ۇلتتىق قۇراماسىنىڭ سپورتشىلارى مەن جاتتىقتىرۋشىلار قۇرامىن شىن جۇرەكتەن قۇتتىقتايمىن!  –  ەربول مىرزابوسىنوۆ.

ادەليا جەكسەنبينوۆا، ۆيكتوريا ليان جانە روكسانا يۋنۋسوۆا سىندى سپورتشىلارىمىز جاھاندىق دودادا وزدەرىنىڭ شەبەرلىكتەرى مەن جەڭىسكە دەگەن جىگەرىن كورسەتىپ، 32 جىلدان كەيىن اتالعان سپورت تۇرىنەن ەل قورجىنىنا جۇلدە سالدى.

وزدەرىڭىزگە ءمالىم، مەملەكەت باسشىسىنىڭ تاپسىرماسىمەن ەلىمىزدە سپورت سالاسىن جاڭعىرتۋ جۇمىستارى كەڭ اۋقىمدا جۇرگىزىلىپ جاتىر. بۇل – سالانىڭ تيىمدىلىگىن ارتتىرۋعا جانە جاڭا چەمپيونداردى تاربيەلەۋگە باعىتتالعان ماڭىزدى باستاما. بۇگىندە وتاندىق سپورت جاڭا قارقىنمەن دامىپ كەلەدى.

بۇل جەڭىسكە ساداق اتۋ فەدەراتسياسىنىڭ پرەزيدەنتى ازامات ۇسىمبەكوۆ پەن باس حاتشى ەسەت بايتاسوۆتىڭ قوسقان ۇلەسىن اتاپ وتكەن ءجون. ولاردىڭ باسشىلىعىمەن قازاقستاندا ساداق اتۋمەن 7 مىڭنان استام سپورتشى اينالىسادى، بۇل سپورت ءتۇرى ەلىمىزدىڭ 15 وڭىرىندە بەلسەندى دامىپ كەلەدى.

اتالعان جەتىستىك قازاقستاندا ساداق اتۋ سپورتىنىڭ بەرىك ىرگەتاسى بار ەكەنىن جانە حالىقارالىق ارەنادا جاڭا جەڭىستەرگە جەتۋگە زور الەۋەتى بار ەكەنىن ايقىن كورسەتەدى.

Abai.kz