13-21 قىركۇيەك ارالىعىندا حورۆاتيانىڭ زاگرەب قالاسىندا كۇرەس تۇرلەرىنەن الەم چەمپيوناتى وتەدى. بايراقتى دودادا قازاقستان قۇراماسى دا جۇلدە ءۇشىن تالاسادى. تۋرنير جانە وتانداستارىمىزدىڭ مۇمكىندىكتەرى جايلى تولىعىراق Olympic.kz ماتەريالىندا.

بيىل وتەتىن الەم بىرىنشىلىگى 2024 جىلعى پاريج وليمپياداسىنان كەيىنگى ءىرى حالىقارالىق تۋرنير بولماق. بۇل دودادا 900-دەن استام بالۋان باق سىنايدى. بۇل كورسەتكىش الەم چەمپيوناتىنىڭ تارتىستى وتەتىنە ءسوزسىز دالەل بولا الادى.

جارىس باعدارلاماسىنا ەركىن كۇرەس، گرەك-ريم كۇرەسى جانە ايەلدەر كۇرەسى ەنگەن. قازاقستان قۇراماسى وسى ءۇش باعىتتىڭ بارلىعىندا دا جۇلدە ءۇشىن سىنعا تۇسەدى. تومەندە الەم بىرىنشىلىگىندە كۇرەسەتىن بالۋانداردىڭ ءتىزىمى كورسەتىلگەن:

ەركىن كۇرەس:

57 كەلى: ادىلەت المۇحامەدوۆ

61 كەلى: اسىلجان ەسەنگەلدى

65 كەلى: ناچىن كۋلار

70 كەلى: نۇرقوجا قايپانوۆ

74 كەلى: الىبەك ابدىقاسىم

79 كەلى: بولات ساقاەۆ

86 كەلى: ازامات داۋلەتبەكوۆ

92 كەلى: كاميل كۋرۋگليەۆ

97 كەلى: ريزابەك ايتمۇحان

125 كەلى: الىشەر ەرعالي

گرەك-ريم كۇرەسى:

55 كەلى: مارلەن مۇقاشەۆ

60 كەلى: ايدوس سۇلتانعالي

63 كەلى: ەرجەت جارلىقاسىن

67 كەلى: ءدىن-مۇحامەد قوشقار

72 كەلى: مەرەي ماۋلەتقانوۆ

77 كەلى: دەمەۋ جادراەۆ

82 كەلى: المير تولەباەۆ

87 كەلى: يسلام ەۆلوەۆ

97 كەلى: راحات بەرجانوۆ

130 كەلى: ءالىمحان سىزدىقوۆ

ايەلدەر كۇرەسى:

50 كەلى: سۆەتلانا انكيچەۆا

53 كەلى: زەينەپ بايانوۆا

55 كەلى: زۋلفيا ياحياروۆا

57 كەلى: لاۋرا الماعانبەتوۆا

59 كەلى: ۆيكتوريا حۋساينوۆا

62 كەلى: تىنىس دۇبەك

68 كەلى: بەيبىت سەيدۋالى

72 كەلى: ءجاميلا باقبەرگەنوۆا

76 كەلى: ەلميرا سىزدىقوۆا

ەگەر قۇرامعا نازار اۋدارساق، وندا وليمپيادا مەن ازيا ويىندارىنىڭ جۇلدەگەرلەرىمەن قاتار، جاس بۋىن وكىلدەرى دە بار ەكەنىن كورەمىز. اسىرەسە گرەك-ريم كۇرەسىندە جاسارۋ ۇدەرىسى بايقالادى. بۇل قاتاردا ايدوس سۇلتانعالي، ءدىن-مۇحامەد قوشقار، راحات بەرجانوۆ، المير تولەباەۆ پەن مارلەن مۇقاشەۆ سياقتى بولاشاعىنان ءۇمىت كۇتتىرەتىن بالۋانداردى اتاپ وتۋگە بولادى.

ۇلتتىق قۇراما ساپى 17-20 شىلدە ارالىعىندا بۋداپەشتتە (ۆەنگريا) وتكەن ءتۋرنيردىڭ قورىتىندىسى بويىنشا جاساقتالدى. بۇل تۋرالى ۇلتتىق قۇرامانىڭ باس باپكەرى قونىسبەك كارىمۇلى مالىمدەگەن بولاتىن.

ايتا كەتەيىك، پاريج وليمپياداسىنىڭ كۇمىس جۇلدەگەرى دەمەۋ جادراەۆ جاڭا ماۋسىمدى ءساتتى باستادى. ول گەرمانيادا وتكەن حالىقارالىق گران-پري تۋرنيرىندە توپ جارعان بولاتىن. سوندىقتان زاگرەبتەگى باسەكەدە دە مەدال ءۇشىن كۇرەسۋگە دايىن.

ەركىن كۇرەستەن نۇرقوجا قايپانوۆ 70 كەلى سالماقتاعى باستى فاۆوريتتەردىڭ ءبىرى سانالادى. سونىمەن قاتار جاپونيالىق بالۋان ەسينوسۋكە اوياگي ءدال وسى سالماقتا چەمپيوندىق اتاق ءۇشىن باق سىنايدى. وتكەن جىلى قايپانوۆ فينالدا اوياگيدەن باسىم ءتۇسىپ، التىن جۇلدەنى جەڭىپ العان ەدى. اوياگي بيىل Budapest Ranking Series تۋرنيرىندە جەڭىسكە جەتىپ، بابىندا ەكەنىن كورسەتتى، الايدا ەندىگى تارتىس زاگرەبتە وتپەك.

قايپانوۆ ازيا چەمپيوناتىندا 74 كەلىگە دەيىنگى سالماقتا التىن مەدالعا يە بولعان ەدى. الايدا قازىر 70 كەلىگە قايتا ورالىپ، الەم چەمپيونى اتاعىن قورعاۋدى ماقسات ەتىپ وتىر.

86 كەلىگە دەيىنگى سالماقتا ازامات داۋلەتبەكوۆ بوزكىلەمگە شىعادى. ارينە بۇل سالماقتا ەكى دۇركىن الەم چەمپيونى كامران گاسەمپۋر (يران) باستى فاۆوريت سانالادى. دەگەنمەن ساراپشىلاردىڭ پىكىرىنشە ازامات داۋلەتبەكوۆ كۇتپەگەن ناتيجە كورسەتۋگە قاۋقارلى.

ال 97 كەلىدە سىنعا تۇسەتىن ريزابەك ايتمۇحاننىڭ ونەرىن جانكۇيەرلەر اسىعا كۇتۋدە. بۇل سالماقتاعى باسەكە اسا شيەلەنىستى بولماق. اتالمىش سالماقتا كىل مىقتىلار جينالعان دەسەك تە قاتەلەسپەيمىز. بۇل تۋرالى وسى سىلتەمە ارقىلى وقي الاسىز.

ودان بولەك، بيىل وتەتىن بايراقتى باسەكەدە وليمپيادا ويىندارى، الەم چەمپيوناتتارىنىڭ جەڭىمپازدارى مەن جۇلدەگەرلەرى ونەر كورسەتەدى. اتاپ ايتساق، احمەد تاجۋدينوۆ (باحرەين), گيۆي ماچاراشۆيلي (گرۋزيا), كايل سنايدەر (اقش), ماگومەدحان ماگومەدوۆ ء(ازىربايجان), امير الي ازارپيرا (يران), اراش يوشيدا (جاپونيا), ابدۋلراشيد سادۋلاەۆ (رەسەي), ميريان مايسۋرادزە (گرۋزيا), باتىربەك تساكۋلوۆ (سلوۆاكيا), ماگومەدحابيب كاديماگومەدوۆ (رەسەي).

ودان بولەك، زاۋربەك سيداكوۆ (رەسەي), سپەنسەر لي (اقش), گۋلومجون ابدۋللاەۆ (وزبەكستان), سەحراۆات امان ء(ۇندىستان), راحمان امۋزاد (يران), كوتارو كيەوكا (جاپونيا), تايمۋراز سالكازانوۆ (سلوۆاكيا), چەرمەن ۆاليەۆ (البانيا), احساربەك گۋلاەۆ (سلوۆاكيا) ءوز سالماقتارىنىڭ باستى فاۆوريتتەرى سانالادى.

گرەك-ريم كۇرەسىنەن ناو كۋساكا (جاپونيا), موحاممادحادي ساراۆي (يران), سايد ەسمايلي (يران) سىندى 2024 وليمپياداسىنىڭ جەڭىمپازدارى بار.

جالپى، الەم بىرىنشىلىگى قازاقستان قۇراماسى ءۇشىن سىناق الاڭىنا اينالماق. ءبىرى تاجىريبە جيناقتاپ، شەبەرلىگىن ارتتىرۋدى ماقسات ەتسە، ءبىرى جۇلدە ءۇشىن تالاسادى…

Abai.kz