قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆ رەسەي فەدەراتسياسى ۇكىمەتى توراعاسىنىڭ ورىنباسارى دميتري چەرنىشەنكومەن كەزدەسۋ وتكىزدى.

وندا تسيفرلاندىرۋ، يننوۆاتسيا، سپورت، تۋريزم جانە ءبىلىم بەرۋ سالاسىنداعى ەكىجاقتى ىنتىماقتاستىق ماسەلەلەرىنە نازار اۋدارىلدى.

كەزدەسۋگە قاتىسۋشىلار قازاقستان پرەزيدەنتى قاسىم-جومارت توقاەۆ پەن رەسەي پرەزيدەنتى ۆلاديمير ءپۋتيننىڭ سەنىمگە قۇرىلعان ديالوگى مەن ۇدايى حابار الىسىپ تۇرعانىنىڭ ارقاسىندا تۇراقتى ەكونوميكالىق جانە مادەني-گۋمانيتارلىق بايلانىستار ورنىققانىن اتاپ ءوتتى. ەكىجاقتى قاتىناستار ستراتەگيالىق سەرىكتەستىك پەن وداقتاستىق باعىتىندا دامۋدا.

2025 جىلعى قاڭتار-ماۋسىم ارالىعىندا ءوزارا تاۋار اينالىمى $12 ملرد قۇراعان. ەكى مەملەكەت باسشىلارىنىڭ تاپسىرماسى بويىنشا ءوزارا ساۋدانى $30 ملرد-قا دەيىن ۇلعايتۋ بويىنشا جوسپارلى جۇمىس جۇرۋدە.

ساپار اياسىندا دميتري چەرنىشەنكو بىرقاتار نىساندارعا بارادى. رەسەي فەدەراتسياسى ۇكىمەتى توراعاسىنىڭ ورىنباسارى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ، سونداي-اق ممۋ جانە ممحقي-دىڭ قازاقستاندىق فيليالدارىنىڭ قىزمەتىمەن تانىسادى.

Abai.kz