.png)
«سۋرەت سالۋ ونەرى جانعا – شۋاق» شەبەرلىك ساعاتى
2025 جىلعى 14 قىركۇيەك كۇنى سەمەي قالاسىندا «وتباسى كۇنى» مەرەكەسى اياسىندا جۇرەككە جىلۋ سىيلاعان يگىلىككە تولى شارا ءوتتى.
«سەمەي قالاسىنىڭ ساڭىراۋ - مىلقاۋ ازاماتتارعا ارنالعان كلۋبىنىڭ» مۇشەلەرىنە «اۋىل» پارتياسى اباي وبلىسى بويىنشا وڭىرلىك فيليالىنىڭ وكىلى ا.جاكۋپوۆا «سۋرەت سالۋ ونەرى جانعا – شۋاق» تاقىرىبىندا شەبەرلىك ساعاتىن ۇيىمداستىرىپ، وتكىزدى. بۇل كۇن قاتىسۋشىلار ءۇشىن، تەك، مەرەكەلىك باسقوسۋ عانا ەمەس، رۋحاني دەمالىس پەن شىعارماشىلىقتىڭ جاڭا مۇمكىندىكتەرىنە جول اشقان ءماندى كەزدەسۋ بولدى.
اتالعان شارانىڭ باستى ماقساتى – ەرەكشە قاجەتتىلىكتەرى بار جانداردىڭ ىشكى رۋحاني الەمىن بايىتىپ، بويداعى اشىلماعان تىڭ قابىلەتتەرىن وياتۋ، ەستەتيكالىق تالعامىن جەتىلدىرۋ، ونەر ارقىلى كوڭىل - كۇيىن كوتەرۋ. شەبەرلىك ساباعى بارىسىندا، كلۋب مۇشەلەرى، سۋرەت ونەرىنىڭ قىر-سىرىمەن جەكە تانىسىپ قانا قويماي، ءوز قولىمەن جاڭادان تۋىندى سۋرەت سالا وتىرىپ، بوياۋلاردىڭ قۇپيا - سيقىرىنا ەنىپ، ىشكى جان - دۇنيەسىن قاعاز بەتىنە تۇسىرۋگە وزىندىك مۇمكىندىك الدى. ءار قاتىسۋشىنىڭ ءوز ويى مەن سەزىمىن بەينەلەگەن سۋرەتتەرى ولاردىڭ جان-جاقتىلىعىن، ومىرگە دەگەن قۇشتارلىعىن اڭداتتى.
بۇل شارا، تەك قىلقالامدى ۇستاۋعا ۇيرەتەتىن تەحنيكالىق، تاجىريبەلىك ساباق ەمەس، ناعىز رۋحاني دەم سىيلاعان شارا دەۋگە بولادى. الۋان ءتۇرلى بوياۋلار ارقىلى سەزىمىن جەتكىزۋ – سوزبەن ايتۋعا قيىن ىشكى تولعانىستاردى سىرتقا شىعارۋدىڭ تاماشا ءتاسىلى. اسىرەسە، ەستۋ جانە سويلەۋ قابىلەتى شەكتەۋلى جاندار ءۇشىن سۋرەت – الەممەن تىلدەسۋدىڭ، ويىن ەركىن ءبىلدىرۋدىڭ ەرەكشە قۇرالى ىسپەتتى. شەبەرلىك ساعاتى: قاتىسۋشىلارعا جاڭا تاجىريبە سىيلاپ، وزدەرىن شىعارماشىلىق تۇلعا رەتىندە سەزىنۋگە سەرپىمدى جول اشتى.
«اۋىل» پارتياسى اباي وبلىسى بويىنشا وڭىرلىك فيليالى ءۇشىن مۇنداي باستامالاردىڭ ماڭىزى زور ەكەندىگىن اتاپ وتكەن ءجون. ويتكەنى، قوعامداعى ءاربىر ازاماتتىڭ الەۋمەتتىك بەلسەندىلىگى مەن شىعارماشىلىق الەۋەتىن قولداۋ – پارتيانىڭ باستى باعىتتارىنىڭ ءبىرى سانالادى. بۇل جولى دا پارتيا وكىلدەرى ونەر ارقىلى ادامداردىڭ جۇرەگىنە جول تاۋىپ، مۇگەدەكتىگى بار جانداردىڭ بويىنداعى تالانتتى اشۋعا وزدىك سەپتىگىن تيگىزدى. شارا سوڭىندا، قاتىسۋشىلاردىڭ جۇزىندەگى قۋانىش پەن لاۋلاعان شابىت وتى – وسىنداي يگى ىستەردىڭ قوعام ءۇشىن قانشالىقتى ماڭىزدى ەكەنىن ايقىن دالەلدەدى.
«سۋرەت سالۋ ونەرى جانعا - شۋاق» اتتى شەبەرلىك ساعاتى كوپشىلىككە قاراپايىم بوياۋدىڭ دا ادامعا قۋانىش سىيلايتىنىن، ال، شىعارماشىلىقتىڭ كەز كەلگەن ءتۇرى ادام جانىنىڭ ەمشىسى ەكەنىن تاعى ءبىر مارتە ناق كورسەتكەندەي ەرەكشە اسەرگە بولەدى. بۇل كەزدەسۋ، سەمەي قالاسىنىڭ ەرەكشە جاندار ءۇشىن عانا ەمەس، تۇتاس قوعام ءۇشىن ۇلگى بولارلىق، جۇرەكتەردى جىلى شۋاقتى مەيىرگە تولتىرعان مەرەكەلىك وقيعا ساناتىندا ەستە ساقتالماق.
Abai.kz
