قاراعاندى وبلىسىندا كورنەكتى عالىم، اكادەميك ەۆنەي ارىستانۇلى بوكەتوۆتىڭ 100 جىلدىق مەرەيتويى كەڭ كولەمدە اتاپ ءوتىلدى.

ەۆنەي بوكەتوۆ ەسىمى بەرىلگەن قاراعاندى ۇلتتىق زەرتتەۋ ۋنيۆەرسيتەتىنىڭ بازاسىندا «ە. ا. بوكەتوۆتىڭ عىلىمي كوكجيەكتەرى» اتتى حالىقارالىق عىلىمي كونفەرەنتسيا ءوتتى. فورۋمعا الدىڭعى قاتارلى عالىمدار، قوعام قايراتكەرلەرى مەن شەتەلدىك قوناقتار قاتىسىپ، ەۆنەي بوكەتوۆ تۇلعاسىنىڭ جانە ونىڭ ەڭبەگىنىڭ حالىقارالىق ماڭىزدىلىعىن اتاپ ءوتتى.

سۋرەت: قاراعاندى وبلىسى اكىمدىگىنەن الىندى.

جىل بويى ەۆنەي ارىستانۇلىنىڭ 100 جىلدىعىنا ارنالعان ءتۇرلى شارالار ۇيىمداستىرىلدى. سونىڭ ىشىندە اقش-تاعى دجوردج ۆاشينگتون ۋنيۆەرسيتەتىندە وتكەن بوكەتوۆ كۇنى ەرەكشە ورىن الدى. ال قاراعاندىداعى كونفەرەنتسيا وسى اۋقىمدى باعدارلاماعا قورىتىندى بولدى.

سۋرەت: قاراعاندى وبلىسى اكىمدىگىنەن الىندى.

كونفەرەنتسيا باستالار الدىندا وبلىس اكىمى مەن قوناقتار اكادەميك بوكەتوۆتىڭ ەسكەرتكىشىنە گۇل شوكتارىن قويدى.

سۋرەت: قاراعاندى وبلىسى اكىمدىگىنەن الىندى.

مەملەكەت باسشىسى قاسىم-جومارت توقاەۆتىڭ قۇتتىقتاۋ حاتىن كونفەرەنتسيا قاتىسۋشىلارىنا قاراعاندى وبلىسىنىڭ اكىمى ەرماعانبەت بولەكپاەۆ جەتكىزدى. پرەزيدەنت فورۋمنىڭ اشىلۋىمەن قۇتتىقتاپ، ەۆنەي بوكەتوۆتىڭ 100 جىلدىعىنا ارنالعان حالىقارالىق جيىندا عالىمنىڭ ەسىمىن ماڭگى ەستە قالدىرۋعا جانە ونىڭ باي مۇراسىن ساقتاۋعا قاتىستى مازمۇندى ويلار مەن ۇسىنىستار ايتىلاتىنىنا سەنىم ءبىلدىردى.

سۋرەت: قاراعاندى وبلىسى اكىمدىگىنەن الىندى.

– وسى وقۋ ورنىنىڭ تۇلەگى رەتىندە مۇنداي ماڭىزدى شاراعا قاتىسىپ وتىرعانىما قۋانىشتىمىن. شىن مانىندە اۋقىمدى ويلايتىن تۇلعا نەگىزىن قالاعان ۋنيۆەرسيتەتتىڭ بولاشاققا سەنىممەن قارايتىنىن كورۋ – ەرەكشە سەزىم. بۇل مۇرانى ساقتاپ، دامىتۋعا اتسالىسىڭىزدار. بىلىمگە دەگەن قۇشتارلىقتارىڭىز سارقىلماسىن، ارقاشان جاندارىڭىزدان قولداۋ كورسەتىپ، شابىت بەرەتىن جاندار تابىلسىن! – دەدى ەرماعانبەت بولەكپاەۆ.

سۋرەت: قاراعاندى وبلىسى اكىمدىگىنەن الىندى.

فورۋم جۇمىسىنا سەنات پەن ءماجىلىس دەپۋتاتتارى، قازاقستان حالقى اسسامبلەياسىنىڭ وكىلدەرى، ەلىمىزدىڭ جەتەكشى جوعارى وقۋ ورىندارىنىڭ عالىمدارى مەن رەكتورلارى، سونداي-اق شەتەلدىك قوناقتار قاتىستى.

سۋرەت: قاراعاندى وبلىسى اكىمدىگىنەن الىندى.

عالىمنىڭ قىزى اقسۇلۋ بوكەتوۆا اكەسىن ەسكە الىپ، ەستەلىكتەرىمەن ءبولىستى:

– ەۆنەي ارىستانۇلى حيميا-مەتاللۋرگيا ينستيتۋتىن باسقارعان كەزدە جانىنان ءبىر توپ ۇزەڭگىلەستەرىن جينادى. ونىڭ كوپتەگەن شاكىرتتەرى ۇزاق عۇمىر كەشىپ، عىلىمي الەۋەتىن ارتتىردى، بىراق ءبارى ونى ۇمىتپاي، قۇرمەتپەن ەسكە الادى. تاڭعالارلىعى، ول 1972 جىلى تاڭداعان كادرلار ءالى كۇنگە دەيىن وسى جەردە ەڭبەك ەتۋدە. اكەم تەك عالىم عانا ەمەس، مەيىرىمدى اكە دە بولدى. ءومىردىڭ ەڭ كۇردەلى ساتتەرىندە دە ءازىل-قالجىڭىنان اينىعان ەمەس، – دەدى اقسۇلۋ بوكەتوۆا. – بۇگىنگى كونفەرەنتسيانىڭ ءاربىر قاتىسۋشىسى ءوز يدەيالارىن دامىتۋ ءۇشىن قۋاتتى سەرپىن السىن دەپ تىلەيمىن.

كونفەرەنتسيا بارىسىندا اكادەميك تۋرالى كوپتەگەن جىلى سوزدەر ايتىلدى.

– اتا-بابامىز ءاردايىم ءبىلىم مەن عىلىم – قوعامنىڭ قوزعاۋشى كۇشى دەپ ساناعان. وسىنداي ءىز قالدىرعان تۇلعا قۇرمەتكە لايىق. ونىڭ عىلىمي جاڭالىقتارى مەن ومىرلىك ۇستانىمى جاستاردى تاربيەلەۋدە، اسىرەسە ەسىمى بەرىلگەن ۋنيۆەرسيتەت ستۋدەنتتەرى ءۇشىن، ۇلكەن ۇلگى بولىپ قالا بەرمەك، – دەدى ءماجىلىس دەپۋتاتى قۇدايبەرگەن بەكسۇلتانوۆ.

سۋرەت: قاراعاندى وبلىسى اكىمدىگىنەن الىندى.

پلەنارلىق وتىرىستا ەۆنەي بوكەتوۆتىڭ جەتى تومدىق شىعارمالار جيناعى مەن ەستەلىك مەرەيتويلىق مونەتا تانىستىرىلدى.

كونفەرەنتسيادا ءۇش باعىت بويىنشا عىلىمي باياندامالار وقىلدى: حيميا، مەتاللۋرگيا جانە تەحنولوگيا سالاسىنداعى زەرتتەۋلەر; ادەبي-پۋبليتسيستيكالىق مۇرا; بوكەتوۆتىڭ گۋمانيتارلىق جانە الەۋمەتتىك عىلىمدارداعى قوعام قايراتكەرى رەتىندەگى ءرولى.

سۋرەت: قاراعاندى وبلىسى اكىمدىگىنەن الىندى.

ەۆنەي ارىستانۇلى بوكەتوۆ تاريحتا مەتاللۋرگ-عالىم، كسرو مەملەكەتتىك سىيلىعىنىڭ لاۋرەاتى، قاراعاندى مەملەكەتتىك ۋنيۆەرسيتەتىنىڭ تۇڭعىش رەكتورى، جازۋشى جانە اۋدارماشى رەتىندە قالدى. ونىڭ ەسىمى ۋنيۆەرسيتەتكە عانا ەمەس، ەلدى مەكەندەردەگى كوشەلەرگە دە بەرىلگەن. عالىمنىڭ باي عىلىمي جانە مادەني مۇراسى بۇگىنگى عىلىم مەن قوعامعا ءالى دە زور ىقپال ەتىپ كەلەدى.

Abai.kz