2025 جىلعى 30 قىركۇيەك كۇنى ساعات 15:00-دە قر مادەنيەت جانە اقپارات مينيسترلىگىنىڭ قولداۋىمەن قازاقستان رەسپۋبليكاسىنىڭ ۇلتتىق مۋزەيىندە كورنەكتى عالىم، انتروپولوگ، قوعام قايراتكەرى، اكادەميك ورازاق سماعۇلوۆتىڭ 95 جىلدىعىنا ارنالعان «عاسىر. تۇلعا. عىلىم» اتتى دوڭگەلەك ۇستەل مەن كورمە وتەدى.

بۇل – ۇلتتىق عىلىمعا ولشەۋسىز ۇلەس قوسقان عالىمنىڭ ءومىرى مەن عىلىمي مۇراسىن كەڭىنەن ناسيحاتتاۋعا باعىتتالعان ماڭىزدى مادەني وقيعا. ءىس-شارانى قر ۇلتتىق مۋزەيى ءا.ح. مارعۇلان اتىنداعى ارحەولوگيا ينستيتۋتىمەن، تۇركى اكادەمياسىمەن جانە ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىمەن بىرلەسە ۇيىمداستىرادى.

«عاسىر. تۇلعا. عىلىم» اتتى دوڭگەلەك ۇستەل بارىسىندا ورازاق سماعۇلوۆتىڭ عىلىمي مۇراسى، انتروپولوگيا مەن ەتنولوگيا سالاسىنا قوسقان ۇلەسى جان-جاقتى تالقىلانادى. سونىمەن بىرگە جاس عالىمداردى عىلىمعا تارتۋ، انتروپولوگيا عىلىمىنىڭ بولاشاعىن ساراپتاۋ جانە مۋزەي قورىنداعى بىرەگەي جادىگەرلەر ارقىلى عالىمنىڭ تۇلعالىق كەلبەتىن اشۋ جوسپارلانعان.

دوڭگەلەك ۇستەل اياسىندا ۇيىمداستىرىلاتىن كورمەدە ورازاق سماعۇلوۆتىڭ عىلىمي ەڭبەكتەرى، ماراپاتتارى، سيرەك كىتاپتارى قويىلادى. بۇل جادىگەرلەر حح عاسىردىڭ ەكىنشى جارتىسىنداعى قازاقستاندىق عىلىم مەن مادەنيەتتىڭ ايناسى بولا وتىرىپ، كەلۋشىلەرگە عالىمنىڭ ءومىر جولى، عىلىمي ىزدەنىستەرى مەن تۇلعالىق قىرلارىن تانىستىرۋعا مۇمكىندىك بەرەدى.

كورمە جاس ۇرپاققا عىلىم جولىنداعى تاباندىلىق پەن وتانسۇيگىشتىكتىڭ جارقىن ۇلگىسىن ۇسىنۋدى، سونىمەن قاتار ۇلتتىق عىلىمنىڭ دامۋىنا قوسىلعان باعا جەتپەس ەڭبەكتەردى دارىپتەۋدى ماقسات ەتەدى.

ءىس-شاراعا تاريحشىلار، ارحەولوگتار، انتروپولوگتار، ەتنولوگتار،   عىلىمي قور وكىلدەرى، مۋزەي قىزمەتكەرلەرى، گۋمانيتارلىق جوو وقىتۋشىلارى مەن ستۋدەنتتەرى، قوعامدىق جانە مەملەكەتتىك ۇيىمداردىڭ وكىلدەرى قاتىسادى.

 «عاسىر. تۇلعا. عىلىم» دوڭگەلەك ۇستەلى مەن كورمەسى – ۇلتتىق انتروپولوگيا عىلىمىنىڭ نەگىزىن قالاعان تۇلعانىڭ ەڭبەگىن ۇلىقتاپ قانا قويماي، جاس ۇرپاققا ونەگە كورسەتەتىن تاعىلىمدى مادەني وقيعا بولماق.

وتەتىن ورنى: قازاقستان رەسپۋبليكاسى ۇلتتىق مۋزەيى، عىلىمي كىتاپحانا (استانا ق.، تاۋەلسىزدىك داڭعىلى، 54)

باق وكىلدەرىنىڭ نازارىنا! اككرەديتاتسيانى nmrk.muzei@mail.ru پوشتاسىنا 29 قىركۇيەك كۇنى ساعات 18:00-گە دەيىن جىبەرۋ قاجەت.

Abai.kz