قازاق فۋتبولى ءۇشىن بۇگىنگى ايتۋلى كۇندە «قايرات» فك فاناتتارى قازاقستاننىڭ الىپ «التىن وردا» مۇراگەرى ەكەنىن بۇكىل الەمنىڭ ەسىنە تاعى دا سالدى!

ەۋرازيا جۇرەگىندە، ۇلى جىبەك جولىنىڭ قاق ورتاسىندا ورنالاسقان، باتىس پەن شىعىستى، ءتۇرلى مادەنيەتتەردى عاسىرلار بويى توعىستىرعان الماتى قالاسىنىڭ ورتالىق ستاديونىندا كەڭىنەن جايىلعان ۇلكەن ماتادا ءبىر عانا جازۋ بار: «Descendants of the Holden Horde» – «التىن وردا ۇرپاقتارى». بۇل ءبىزدىڭ سان عاسىرعا سوزىلعان باي تاريحىمىز بەن مادەنيەتىمىزدى پاش ەتەتىن عاجاپ سيمۆوليكالىق پەرفومانس.

راسىندا دا، التىن وردا – ءوز قول استىندا ميلليونداعان ادامنىڭ باسىن قوسىپ، ءتۇرلى مادەنيەتتى بىرىكتىرىپ، ولارعا ۇلى يمپەرياعا، ادامزات تاريحىنداعى ەڭ ۇلكەن يمپەريالاردىڭ بىرىنە تيىستىلىگىن سەزىندىرگەن بىرەگەي تاريحي مىسالداردىڭ ءبىرى.

ءيا، ءبىز سول التىن وردا ۇرپاعىمىز. ءوز داۋىرىندەگى ەڭ قۋاتتى دا الىپ مەملەكەتتەردىڭ ءبىرىن قۇرا بىلگەن ۇلى دالا باتىرلارى مەن قولباسشىلاردىڭ مۇراگەرىمىز.

بۇگىن قازاقستاندىقتار چەمپيوندار ليگاسى تاريحىنداعى ەڭ مىقتى كلۋبتى – يسپانيانىڭ رەال مادريد كومانداسىن قابىلداپ جاتىر. ءبىزدىڭ فۋتبولشىلارىمىز بەن جانكۇيەرلەرىمىزدىڭ كوڭىل-كۇيىن سوزبەن ايتىپ جەتكىزۋ مۇمكىن ەمەس. سوڭىنا دەيىن كۇرەسەتىنىمىز حاق!

العا، التىن وردا ۇرپاقتارى!

العا، قازاقستان!

Abai.kz